ચેતવણી / PM મોદીનો લાલ કિલ્લા પરથી હુંકારઃ જેને પણ દેશ પર બગાડી નજર, તેને મળ્યો તેની જ ભાષામાં જવાબ

સાર્વભૌમત્વની રક્ષા માટે જોશથી ભરેલો છે દેશ

પીએમ મોદીએ લાલ કિલ્લા પરથી કહ્યું કે કોરોનાની મહામારી વચ્ચે પણ સરહદ પર દેશના સામર્થ્યને પડકારવાનો પ્રયત્ન કરવામાં આવ્યો. પંરતુ LoCથી લઇને LAC સુધી દેશની સાર્વભૌમત્વ પર જેને પણ નજર ઉઠાવી છે, દેશની સેનાએ આપણા વીર જવાનોએ તેમને તેમની જ ભાષામાં જવાબ આપ્યો છે. ભારતની સાર્વભૌમત્વની રક્ષા માટે દેશભરમાં એક જોશ જોવા મળે છે. 

આંતકવાદ હોય કે વિસ્તારવાદ ભારત આપે છે જડબાતોડ જવાબ

પીએમ મોદીએ ક હ્યું કે આજે માતૃભૂમિ પર શહીદ થયેલા બધા વીર જવાનોને આદરપૂર્વક નમન કરે છે. આતંકવાદ હોય કે વિસ્તારવાદ ભારત આજ તેનો પોતાની રીતે મુકાબલો કરે છે. 

જેટલો પ્રયત્ન શાંતિ માટે તેટલી જ કટિબદ્ધતા સુરક્ષા માટે

પીએમ મોદીએ કહ્યું કે ભારત જેટલો પ્રયત્ન શાંતિ અને સૌહાર્દ માટે કરે છે, તેટલી જ કટિબદ્ધતા પોતાની સુરક્ષા માટે કરે, પોતાની સેનાને મજબુત કરવા કરે છે. પીએમ મોદીએ કહ્યું કે ભારત હવે રક્ષા ઉત્પાદનમાં આત્મનિર્ભરતા માટે પુરી ક્ષમતાથી કામ કરી રહ્યું છે.