મહારાષ્ટ્ર / ભિવંડીમાં ચાર માળની બિલ્ડિંગ ધરાશાયી, બે લોકોના મોત

મહારાષ્ટ્રના ભિવંડીના શાંતિનગર વિસ્તારમાં એક ચાર માળની બિલ્ડિંગ ઘરાશાયી થઈ છે. બચાવ કાર્ય શરૂ કરી દેવામાં આવ્યું છે. હાલ સુધી આ ઘટનામાં બે લોકોના મૃત્યુ થયા છે અને 5 લોકો ઘાયલ થયા છે. તો રેસ્ક્યૂ ટીમની મદદથી 4 લોકોને સુરક્ષિત રીતે બહાર કાઢવામાં આવ્યા છે. ઈજાગ્રસ્તોને પાસેની IGM હોસ્પિટલમાં એડમિટ કરવામાં આવ્યા છે. 

મોડી રાત્રે બિલ્ડિંગની કોલમ હલવા લાગી હતી. તેના કારણે નાસભાગ મચી. બિલ્ડિંગ ખાલી થાય તે પહેલાં જ તે ધરાશાયી થઈ ગઈ. મહાનગરપાલિકાનો દાવો છે કે બિલ્ડિંગ ખાલી કરાવી દેવામાં આવી હતી, પરંતુ કેટલાક લોકો પરમિશન વિના બિલ્ડિંગમાં ફરી રહેવા લાગ્યા હતા. આ કારણે બિલ્ડિંગ ખાલી થાય તે પહેલાં જ પત્તાના મહેલની જેમ તૂટી પડી. નિગમ અધિકારી પોલિસ અને રાહત પહોંચાડનારી ગાડીઓ સ્થળ પર પહોંચી અને બચાવની કામગીરી શરૂ કરી. ઉલ્લેખનીય છે કે આ ઈમારત 6 વર્ષ પહેલાં જ બની હતી. 

Maharashtra: A four-storey building collapsed in Shanti Nagar area of Bhiwandi. 4 people have been rescued and several feared trapped. Rescue operations underway. More details awaited. pic.twitter.com/OAExE5STFn

— ANI (@ANI) August 23, 2019

ભિવંડી નગરપાલિકાના આધારે શુક્રવારે સાંજે 7-30થી 8-00 વાગ્યાની વચ્ચે બિલ્ડિંગ હલવા લાગી હતી. 9-30 પછી ભિવંડી મહાનગર પાલિકાના કંટ્રોલ રૂમમાં ફોન આવ્યો. ત્યારબાદ મહાનગરપાલિકાના કેટલાક અધિકારીઓ પહોંચી ગયા અને બિલ્ડિંગ ખાલી કરાવી. કેટલાક લોકો બિલ્ડિંગમાં પોતાનો સામાન લેવા ગયા અને બિલ્ડિંગ સંપૂર્ણ રીતે ધરાશાયી થતાં તેઓ ફસાઈ ગયા. એનડીઆરએફ અને ફાયરબ્રિગેડના કર્મચારી ડોગ સ્કોડની મદદથી કાટમાળની નીચે ફસાયેલા લોકોને શોધી રહ્યા છે.