રાજ્યમાં આગ લાગવાની આજે ચાર ઘટના સામે આવી છે. અત્રે જણાવીએ કે, ઉનાળામાં આગના બનાવો વધુ બનતા હોય છે પરંતુ આ વખતે તો ઉનાળા પહેલા જ આગના બનાવો વધી રહ્યાં હોય તેવું ધ્યાને આવ્યું છે. આજે જૂનાગઢ, પાલનુપર, હિંમતનગર, ઉમરગામમાં આગની ઘટના બની છે. જેમાં પાલનપુરમાં લાગેલી આગે ભારે માલ સમાનને નુકસાન પહોંચાડ્યું છે.
પાલનપુર APMCની દુકાનોમાં આગ
પાલનપુર APMCની દુકાનોમાં આગ લાગ્યાની ઘટના પ્રકાશમાં આવી છે. યાર્ડની 10 જેટલી દુકાનમાં આગ લાગતા અફરાતફરીનો માહોલ જોવા મળ્યો હતો.ઘટનાની જાણ થતા જિલ્લા કલેક્ટર અને પોલીસવડા સહિતના અઘિકારીઓ ઘટનાસ્થળે હાજર રહ્યા હતા. પાલનપુર, ડીસા, ઉંઝા અને બનાસડેરી સહિતના 7 ફાયર ફાઈટર લાગ્યા કામે હતા. આગને લઈને કલેક્ટર વરૂણ બરનવાલનું નિવેદન સામે આવ્યું છે. તેમણે કહ્યું કે આગ ઉપર કાબૂ મેળવવાનો પ્રયત્ન કરાઈ રહ્યો છે. તંત્રએ તમામ મદદ પહોંચાડી છે. તો વેપારીનું કહેવું છે કે દુકાનોમાં રાયડો,દિવેલા સહિતના અનાજનો જથ્થો હોવાથી અંદાજે બે કરોડથી વધુ નુકસાનનું અનુમાન છે.
ઉમરગામના જંગલમાં લાગી આગ
વલસાડના ઉમરગામના જંગલ વિસ્તારમાં આગની ઘટના બની હતી. ઉમરગામના મલાવ વિસ્તારમાં આવેલ ફોરેસ્ટની જગ્યામાં અચાનક આગ લાગતા અફરાતફરી મચી હતી. આગ લાગતા સ્થાનિકોએ વન વિભાગને જાણ કરી હતી. ઉમરગામ ફાયરની ટીમે ઘટના સ્થળ પર પહોંચી આગ પર કાબૂ મેળવવાના પ્રયાસો હાથ ધર્યા હતા. જોકે આગ લાગવાનું કારણ અકબંધ રહ્યું છે.
હિંમતનગરમાં પણ આગનો બનાવ
સાબરકાંઠાના હિંમતનગરમાં પણ આગ લાગવાની ઘટના બની છે. ટાવરચોક પરની દુકાનના ત્રીજા માળે આગ લાગી હતી. શોર્ટસર્કિટના લીધે આગ લાગ્યાનું અનુમાન સેવાઈ રહ્યું છે. ફાયર વિભાગ દ્વારા આગ પર કાબૂ મેળવી લેવાયો છે.
વાંચવા જેવું: 'મારુ અને મારુ પિતાનું નામ બસ નામ જણાવો' પરચીધારી બાબાને ભક્તની ચેલેન્જ, પછી જોવા જેવુ થયું
જૂનાગઢના ભેંસાણ રોડ પર આગનો બનાવ
જૂનાગઢમાં પણ અચાનક કાર સળગી ઉઠી હતી. વીજપોલ સાથે અથડાતા કારમાં આગ લાગી હતી. જો કે, સદનસીબે કારચાલકનો બચાવલ થયો છે. જણાવીએ કે, આ બનાવ ભેંસાણ રોડ પરનો છે
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
