Monday, July 22, 2019
સબસ્ક્રાઈબ કરો VTVGujarati ન્યુઝ Whatsapp

VIDEO: નરેન્દ્ર મોદી સાથે મંચ પર કોંગ્રેસના આ દિગ્ગજ નેતાઓ દેખાતા માહોલ ગરમાયો

VIDEO: નરેન્દ્ર મોદી સાથે મંચ પર કોંગ્રેસના આ દિગ્ગજ નેતાઓ દેખાતા માહોલ ગરમાયો
સંઘપ્રદેશ દાદરાનગર હવેલીના કોંગ્રેસના પ્રમુખ મોહન ડેલકર ભાજપમાં જોડાશે તેવી એક અફવાએ લાંબા સમયથી જોર પકડેલુ હતું ત્યારે આજે દેશના વડાપ્રધાન નરેન્દ્ર મોદી દાદરા નગર હવેલીના પ્રવાસે હતા ત્યારે મોહન ડેલકરે નરેન્દ્ર મોદીનું સ્વાગત કરતા રાજકીય માહોલ ગરમાયો હતો. જો કે મોહન ડેલકરે આ બાબતે રદિયો આપ્યો હતો.

વડાપ્રધાન નરેન્દ્ર મોદીએ પાટનગર સેલવાસ પાસે સાયલીમાં એક જાહેર સભાને સંબોધી હતી ત્યારે આ સભાના મંચ પર સેલવાસ સાંસદ નટુ પટેલ દમણના સાંસદ લાલુભાઇ પટેલ તેમજ વલસાડના સાંસદ K.C પટેલ પણ હાજર રહ્યા હતા. તમામ લોકોએ નરેન્દ્ર મોદીનું ભવ્ય સ્વાગત કર્યું હતું ત્યારે અચાનક મંચ પર દમણ-દીવનાં પૂર્વ સાંસદ  ડાહ્યાભાઈ પટેલ અને દાદરા નગર હવેલીના પૂર્વ સાંસદ મોહન ડેલકર મંચ પર આવ્યા હતા. બંને કોંગ્રેસના પૂર્વ સાંસદોએ મોદીનું ભવ્ય સ્વાગત કર્યુ હતું. 
 

ચર્ચા ત્યારે થઈ કે જ્યારે ડાહ્યાભાઈ તો હાલ માત્ર કોંગ્રેસના અગ્રણી છે પરંતુ મોહન ડેલકર દાદરા નગર હવેલી કોંગ્રેસના પ્રમુખ છે. ત્યારે કોંગ્રેસ તરફથી મોહન ડેલકરને દાવેદાર માનવામાં આવે છે ત્યારે અચાનક મોદીની સભામાં આગમન અને મોદીનું સ્વાગત સૂચક બન્યું હતું. 

જો કે મોહન ડેલકરે ભાજપમાં જોડાવાની બાબતને રદિયો આપ્યો હતો અને સ્પષ્ટતા કરી હતી કે આ માત્ર અફવા જ છે. 

જોવા જેવું વધુ જુઓ

બ્રેકિંગ ન્યૂઝ