ICC World Cup 2023 / ટીમ ઈન્ડીયાએ કરી લીધું આવું તો 2023નો વર્લ્ડ આપણો' ઈશાંત શર્માએ કરી 100 ટચની વાત

• ICC વર્લ્ડ કપ 2023 ને લઈ લોકોમાં જબરો ઉત્સાહ
• ભારતે જ વર્લ્ડ કપની યજમાની કરી
• ટીમ ઈન્ડિયાના ફાસ્ટ બોલર ઈશાંત શર્માનું નિવેદન 

ભારતમાં 5 ઓક્ટોબરથી ICC વર્લ્ડ કપ 2023  શરૂ થવા જઇ રહ્યો છે. જેને લઈને ક્રિકેટપ્રેમીઓ માટે મોટા અવસર જેવો ઉત્સાહ જોવા મળી રહ્યો છે. છેલ્લે ભારતે જ વર્લ્ડ કપની યજમાની કરી હતી અને ટાઈટલ પણ પોતાને નામ કર્યું હતું.2011ના વર્લ્ડ કપનો ખિતાબ જીત્યા બાદ ભારતીય ટીમ સતત બે વખત વર્લ્ડ કપની સેમીફાઈનલમાંથી બહાર થઈ ગઈ છે. 2011ના કપની આ સિદ્ધિ ભારતે જ્યારે મેળવી ત્યાં સુધી ભારત પહેલાં, અન્ય કોઈ ટીમે તેના હોસ્ટિંગમાં વર્લ્ડ કપમાં જીત મેળવી ન હતી. બાદમાં ઓસ્ટ્રેલિયાએ 2015નો વર્લ્ડ કપ જીત્યો અને ઈંગ્લેન્ડે તેની યજમાનીમાં 2019ના વર્લ્ડ કપમાં પર પોતાની જીત સ્થાપી હતી. ત્યારે તાજેતરમાં યોજાનારા  ICC વર્લ્ડ કપને લઈને ટીમ ઈન્ડિયાના ફાસ્ટ બોલર ઈશાંત શર્માનું નિવેદન સામે આવ્યું છે.

ઘરેલુ ગ્રાઉન્ડના અનુભવનો ફાયદો થશે

જિયો સિનેમાના શો હોમ ઑફ હીરોઝમાં સિનિયર ખેલાડી ઈશાંત શર્મા સહભાગી બન્યા હતા. આ દરમિયાન ઈશાંત શર્માને પૂછવામાં આવ્યું કે શું ભારતીય ટીમ આ વર્લ્ડ કપમાં ટાઈટલની દાવેદાર છે? આના પર ઈશાંતે જવાબ આપ્યો, 'મને લાગે છે કે આ વખતે ઈન્ડિયા પાસે સુવર્ણ તક છે. ઘરેલુ ગ્રાઉન્ડના અનુભવનો ફાયદો થશે. 

2011માં ઓસ્ટ્રેલિયા સામે તાકાતથી  રમ્યા
બીજી બાજુ જોરદાર ટિમો સાથે રમવાનું હોવા છતા પુરી ક્ષમતા લગાવવી! 2011માં ઓસ્ટ્રેલિયા સામે તાકાતથી  રમ્યા હતા અને ટીમ ઈન્ડિયા તેની પૂરી ક્ષમતાના દર્શન કરાવી જીત મેળવી. જો આ વખતે પણ ટીમ ઈન્ડિયા પોતાની પૂરી તાકાતથી રમે તો જીતના ચાન્સ પુરેપુરા છે. મહત્વનું છે કે ભારતીય ક્રિકેટ ટીમ અત્યાર સુધીમાં બે વખત વર્લ્ડ કપ જીતી ચૂકી છે. જેમાં કપિલ દેવની કેપ્ટનશીપ હેઠળ 1983  અને મહેન્દ્રસિંહ ધોનીના નેતૃત્વ 2011માં ચેમ્પિયનશિપ બનવાનું સાકાર થયું હતું.