અર્થતંત્ર / ડિસેમ્બર 2020માં દેશના એક્સપોર્ટમાં કડાકો; નાણાકીય ખાધની ખીણ વધુ ઊંડી બની

વર્ષ 2019ના ડિસેમ્બર મહિનામાં ટ્રેડ ડેફિસિટ એટલે કે નાણાકીય ખાધ 12.49 અબજ ડોલર હતી જે વર્ષ 2020ના ડિસેમ્બર મહિનામાં આશરે 25.78% વધીને 15.71 અબજ ડોલર થઇ ગઈ છે. 

દેશની નિકાસમાં ઘટાડો

વાણિજ્ય મંત્રાલયના આ ડેટામાં એવું પણ જાણવા મળ્યું છે કે ભારતની નિકાસ 0.8% જેટલી ઘટી ગઈ છે. વર્ષ 2019ના ડિસેમ્બર મહિનામાં ભારતની નિકાસ 27.11 અબજ ડોલર હતી જે વર્ષ 2020ના ડિસેમ્બર મહિનામાં ઘટીને 26.89 અબજ ડોલર થઇ ગઈ છે.

દેશની આયાતમાં વધારો

વર્ષ 2019ના ડિસેમ્બર મહિનામાં ભારતની આયાત 39.5 અબજ ડોલર હતી જે વર્ષ 2020ના ડિસેમ્બર મહિનામાં વધીને 42.6 અબજ ડોલર થઇ ગઈ છે.

માલસામાનની નિકાસમાં ઘટાડો

2020ના એપ્રિલથી ડિસેમ્બર મહિનામાં પહેલાના વર્ષના એપ્રિલથી ડિસેમ્બર કરતા માલસામાનની નિકાસમાં 8.74%નો ઘટાડો થયો હતો. 2020ના એપ્રિલથી ડિસેમ્બર મહિનામાં માલસામાનની નિકાસ 200.55 અબજ ડોલર હતી જે 2019ના એપ્રિલથી ડિસેમ્બર મહિનામાં 238.27 અબજ ડોલર હતી.

ફાર્મા ક્ષેત્રમાં નિકાસમાં વધારો 

વિદેશમાં દવાઓ અને ફાર્માસ્યુટિકલની નિકાસમાં ભારતના એક્સપોર્ટ 17% વધ્યા છે. બીજી બાજુ સોનાની આયાત 2 અબજ ડોલર જેટલી વધી છે. આ આયાત ગયા વર્ષ કરતા 82% વધુ છે.