જૂનાગઢ / VTV રિયાલિટી ચેક : દીપડાના હુમલામાં બાળકીના મોત બાદ પણ તંત્રને કોઈ ચિંતા નથી, 6 લાખ ભક્તોની સામે માંડ 250 કર્મચારીઓ

• ગિરનારમાં લીલી પરિક્રમામાં દીપડાના હુમલા બાદ પણ વનવિભાગ નિંદ્રામાં
• બાળકી પર દીપડાના હુમલા બાદ VTV NEWSનું રિયાલિટી ચેક
• પરિક્રમા વિસ્તારમાં વન વિભાગનો ફૂટ પેટ્રોલિંગનો અભાવ

 જૂનાગઢમાં ગિરનારમાં પરિક્રમા દરમ્યાન દીપડાનાં હુમલાથી બાળકીનું મૃત્યું થયા બાદ પણ વન વિભાગની વ્યવસ્થાને લઈ અનેક પ્રશ્નો ઉભા થયા છે. વન વિભાગ દ્વારા લીલી પરિક્રમા માટે સુરક્ષાને લઈ કરવામાં આવેલી કાર્યવાહીનું vtv દ્વારા રિયાલિટી ચેક કરવામાં આવ્યું હતું. વન વિભાગ દ્વારા રાવટીઓ પર માત્ર સ્ટાફ ગોઠવાયો હતો. ફૂટ પેટ્રેલિંગનો અભાવ જોવા મળ્યો હતો. આટલા મોટા જંગલમાં માત્ર 250 જેટલા કર્મચારીઓ જ ફરજ બજાવી રહ્યા છે. ત્યારે અત્યાર સુધીમાં 12 લાખ લોકોએ પરિક્રમા પૂર્ણ કરી છે. જ્યારે હજુ 5 થી 6 લાખ લોકો પરિક્રમા રૂટ પર છે. પરિક્રમા કરનારા લોકોમાં પણ ભયનો માહોલ જોવા મળી રહ્યો છે. 

તંત્રની બેદકારી કહેવાયઃ યાત્રીક
આ બાબતે એક યાત્રીએ જણાવ્યું હતું કે, તંત્રની બેદકારી કહેવાય. ત્યારે વન વિભાગ દ્વારા સાવચેતીનાં ભાગરૂપે પહેલેથી તૈયારી રાખવી પડે. ત્યારે હવે જ્યારે આ બનાવ બન્યો. જે બાદ ફોરેસ્ટ ટીમ દોડતી થઈ છે તે વસ્તુ યોગ્ય ન કહેવાય. ફેરિયાવાળા જે બેસે છે તેઓની બાળકી હોવાનું હાલ જાણવા મળી રહ્યું છે. 

પાયલ નામની યુવતીનું મૃત્યું
ગિરનારની લીલી પરિક્રમા દરમિયાન આદમખોર દીપડાનો હચમચાવી દે તેવા હુમલાની ઘટના સામે આવી છે. 11 વર્ષીય પાયલ નામની યુવતી પર દીપડાએ હુમલો કરતા તેનુ કરૂણ મોત થયું છે. પરિક્રમાના રૂટમાં બોરદેવી નજીક ઘટના બની છે.

લોકોમાં ફફડાટ
દિવસને દિવસે ક્રોનકીટના જંગલો વધી રહ્યાં છે તેમજ વૃક્ષો અને જંગલોનું નાશ થઈ રહ્યું છે તેમ તેમ જંગલીય પ્રાણીઓ માનવ વસવાટમાં ઘૂસી રહ્યાં છે. જેને લઈ અવાર નવાર સિંહ તેમજ દીપડાના હુમલાની ઘટના પણ સામે આવતી હોય છે. જો કે, આ વખતે લીલી પરિક્રમાં દીપડો માનવીય વસ્તીમાં ઘૂસી આવતા લોકોમાં ફફડાટ વ્યાપી જવા પામ્યું છે. યુવતીના મૃત્યુને લઈ પરિવારજનોમાં શોકનું મોજુ ફરી વળ્યું છે.