નર્મદા / ગણેશ ચતુર્થી 2023: નાંદોદના પર્યાવણપ્રેમીએ દેશી ગાયના છાણમાંથી ઇકોફ્રેન્ડલી ગણેશજીની બનાવી મૂર્તિ, સાક્ષાત જુઓ અદ્દલ કારિગીરી

• ગણેશ મહોત્સવની તૈયારી ધમધમાટ 
• ઇકોફ્રેન્ડલી ગણેશ સ્થાપિત કરવા અપીલ 
• પ્રતાપપરા ગામના પર્યાવણપ્રેમી રાજેશ વસાવા

ગણેશ મહોત્સવના આગમનને લઈને આયોજકો દ્વારા તૈયારીઓ આરંભી દેવામાં આવી છે. ગણેશ પંડાલના આયોજકો અને ભક્તોમાં ભારે ઉત્સાહનો માહોલ છે ત્યારે નર્મદા જિલ્લાના નાંદોદ તાલુકાના પ્રતાપપરા ગામના પર્યાવણપ્રેમી રાજેશ વસાવા ગાયના છાણમાંથી ઇકોફ્રેન્ડલી ગણેશજીની મૂર્તિ બનાવવાની અદભુત કળા જાણે છે. આ વખતે તેમણે 7000થી વધુ મૂર્તિ બનાવી છે. સાથે જ તેઓ ઇકોફ્રેન્ડલી ગણેશજીની મૂર્તિની સ્થાપના કરવા લોકોને પણ સમજાવી રહ્યા છે.

લોકોની જાગૃતિ વચ્ચે પણ શ્રીજીની પીઓપીની મૂર્તિઓનું ચલણ જોવા મળે છે. જે પાણીમાં ઓગળતી ન હોવા ઉપરાંત તેના રંગો કેમિકલ હોવાથી નદીમાં વિસર્જન વખતે પીઓપી અને કેમિકલથી નદી પ્રદુષિત થતી હોવા ઉપરાંત જલચર સજીવો માટે પ્રાણ ઘાતક હોય છે. જેને લઈને પર્યાવરણને ખૂબ નુકસાન થાતું હોય છે.

ઇકો ફ્રેન્ડલી મૂર્તિ સ્થાપિત કરવા અપીલ

સરકાર અને તંત્ર દ્વારા ગણેશ મૂર્તિ પીઓપીને બદલે માટીની ઇકો ફ્રેન્ડલી મૂર્તિ સ્થાપિત કરવા અપીલ કરી. ત્યારે આજે એવા એક ખેડૂતની વાત કરવી છે જે ખેતી અને પશુપાલન સાથે પશુના ગોબરથી આવકનો સ્ત્રોત ઊભો કરે છે. નર્મદા જિલ્લાના નાંદોદ તાલુકાના પ્રતાપપરા ગામના પર્યાવણ પ્રમી રાજેશ વસાવા પ્રતાપપરા ગામમાં હરિ અનમોલ ગૌશાળામાં દેશી ગાયના છાણ માંથી મહિલાઓ ઈકોફેંડલી ગણેશજીની મૂર્તિ બનાવે છે.

7000 થી વધુ મૂર્તિ બનાવી પર્યાવરણની જાગૃતિ

આ વખતે  7000 થી વધુ મૂર્તિ બનાવી પર્યાવરણ ની જાગૃતિ માટેનો પ્રચાર કરે છે  અને સાથે રોજગારી મેળવે પણ છે અને મહિલાઓને આ થકી તાલીમ અને રોજગારી પુરી પાડે છે. રાજેશભાઇ વસાવા એ જણાવ્યું હતું કે આ મૂર્તિનું ઘરમાં જ ડોલના પાણીમાં વિસર્જન કરી શકાય છે. અને ઓગળી ગયેલ પાણી છાણીયુ ખાતર બની જાય છે.એ ખાતર વાળું પાણી ખેતરમાં કે કુંડાના છોડમાં રેડી દેવાથી ઓર્ગેનિક ખાતર પાકમાં ખૂબ ફાયદો કરે છે.