- રિવાબા જાડેજાએ શરુ કર્યો જામનગર ઉત્તરની બેઠકનો પ્રચાર
- ક્રિકેટર પતિનો શેર કર્યો મજેદાર કિસ્સો
- કહ્યું- રવિન્દ્ર જાડેજા મારા માટે એક બૂસ્ટર ડોઝ જેવા છે
- જાડેજાએ પ્રચાર માટે મને સીધા જુતા મોકલ્યાં- રીવાબા
ગુજરાત વિધાનસભાની ચૂંટણીમાં આ વખતે મોટા ઉમેદવારોના ભાવિનો ફેંસલો થવાનો છે. ભારતીય ક્રિકેટર રવિન્દ્ર જાડેજાના પત્ની રીવાબા પણ જામનગર ઉત્તર બેઠક પરથી ભાજપના ઉમેદવાર તરીકે ચૂંટણી લડી રહ્યા છે. શનિવારે પ્રચાર દરમિયાન રિવાબાએ કહ્યું હતું કે, રવિન્દ્ર જાડેજા તેના માટે બૂસ્ટર ડોઝ સમાન છે, જેણે દરેક પ્રસંગે મારો સાથ આપ્યો છે. મીડિયા સાથે વાત કરતા રીવાબાએ રવિન્દ્ર જાડેજા સાથેની એક મજેદાર કિસ્સો પણ કહી સંભળાવ્યો.
દરેક પ્રસંગે રવિન્દ્રે મને સાથ આપ્યો
જામનગર મતક્ષેત્રના ભાજપના ઉમેદવાર રીવાબા જાડેજા, જેઓ ભારતીય ક્રિકેટર રવિન્દ્ર જાડેજાના પત્ની પણ છે, તેમણે શનિવારે કહ્યું હતું કે તેમના પતિ તેમના જીવનમાં "બૂસ્ટર ડોઝ" જેવા છે, જેમણે તેમના રાજકીય જીવનમાં હંમેશા તેમને ટેકો આપ્યો છે.
પ્રચાર અભિયાનમાં પગરખાં મોકલ્યાં
રવિન્દ્ર જાડેજાએ પ્રચારમાં તેમના માટે સીધા જ આરામદાયક પગરખાં મોકલ્યા ત્યારે રિવાબાએ તેમના ચૂંટણી પ્રચારના એક યાદગાર પ્રસંગનો પણ ઉલ્લેખ કર્યો હતો. રીવાબાએ કહ્યું કે અગાઉ, હું મારા લેસ શૂઝ પહેરીને પ્રચાર કરતી હતી. તેથી, મેં મારા પતિને કહ્યું કે મારે આરામદાયક પગરખાં જોઈએ છે અને તેમણે નવા પગરખાં સીધા જ પ્રચાર અભિયાનમાં મોકલ્યા, જ્યાં હું હાજર હતી. તે મારી દરેક નાની વસ્તુની સંભાળ રાખે છે તેનું આ એક ઉદાહરણરુપ છે.
નામાંકન વખતે પતિનું સાથે રહેવું ભાવનાત્મક ક્ષણ
રિવાબાએ વધુમાં જણાવ્યું હતું કે, લગ્નની વ્યવસ્થાનો જ અર્થ એ છે કે પતિ-પત્ની બંનેએ એકબીજાની પડખે ઊભા રહેવું જોઈએ અને એકબીજાને ટેકો આપવો જોઈએ. જ્યારે હું મારું નામાંકન ભરવા ગઈ હતી અને મારા પતિ મારી સાથે હતા ત્યારે તે મારા માટે ખૂબ જ ભાવનાત્મક ક્ષણ હતી. હું બીજા ઘણા યુગલોને પ્રેરણા આપવા માંગુ છું કે મહિલાઓ લગ્ન પછી પણ તેમના સપનાને પૂર્ણ કરી શકે છે અને તેમના પતિ તેમને મજબૂત ટેકો પૂરો પાડી શકે છે.
રિવાબાને જિતાડવા રવિન્દ્ર જાડેજાની અપીલ
આ પહેલા સોમવારે ક્રિકેટર રવિન્દ્ર જાડેજાએ કહ્યું હતું કે, તેમની પત્ની લોકો માટે કામ કરવા માટે વડાપ્રધાન નરેન્દ્ર મોદીના પગલે ચાલી રહ્યાં છે અને વિધાનસભા ચૂંટણીમાં પહેલી વખત ઉમેદવારીથી તેમને ઘણું શીખવા મળશે. "ધારાસભ્ય પદના ઉમેદવાર તરીકે આ તેમની (રીવાબા જાડેજા) પહેલી ચૂંટણી છે અને તે ઘણું શીખશે. હું આશા રાખું છું કે તે આમાં પ્રગતિ કરશે. જાડેજાએ પોતાના પત્ની રીવાબા જાડેજાને પણ મત આપવા જામનગરની જનતાને અપીલ કરી હતી.
