રાજનીતિ / ઉદ્ધવ ઠાકરે બાદ હવે એકનાથ શિંદેને મળ્યું નવું ચૂંટણી નિશાન, ચૂંટણી પંચે આપ્યું તલવાર-ઢાલનું ચિન્હ

• ઉદ્ધવ બાદ હવે એકનાથ શિંદે જૂથને મળ્યું ચૂંટણી નિશાન 
• ચૂંટણી પંચે ફાળવ્યું નવું નિશાન 
• તલવાર- ઢાલ પર લડશે ચૂંટણી 

ચૂંટણી પંચે મંગળવારે એકનાથ શિંદે જૂથને ચૂંટણી ચિહ્ન જારી કર્યું છે. પંચે શિંદે જૂથને બે તલવારો અને એક ઢાલનું પ્રતીક ફાળવી આપ્યું છે. આ પહેલા સોમવારે ચૂંટણી પંચે ઉદ્ધવ ઠાકરેને ટોર્ચનું નિશાન ફાળવી આપ્યું હતું તે ઉપરાંત ઉદ્ધવને પાર્ટીનું નવું નામ પણ મળ્યું હતું. પંચે ઉદ્ધવને શિવસેના ઉદ્ધવ બાળાસાહેબ ઠાકરે રાખવાની પણ મંજૂરી આપી છે. 

Election Commission of India allots the 'Two Swords & Shield symbol' to Eknath Shinde faction of Shiv Sena; they were allotted the name 'Balasahebanchi ShivSena' yesterday. pic.twitter.com/2Xi2C5TS4T

— ANI (@ANI) October 11, 2022

ઉદ્ધવ કે શિંદે એક પણ જૂથ નહીં વાપરી શકે શિવસેનાનું ઓરિજનલ ચૂંટણી નિશાન
ઉલ્લેખનીય છે કે બે દિવસ પહેલા ચૂંટણી પંચે ઉદ્ધવ અને શિંદે જૂથને શિવસેનાના ઓરિજનલ ચૂંટણી નિશાન ધનુષ- બાણને જપ્ત કરી લીધું હતું અને બન્નેને નવા નિશાન સાથે અંધેરી પેટાચૂંટણી લડવાની સલાહ આપી હતી. પંચના આદેશ બાદ ઉદ્ધવ અને શિંદેએ પોતપોતાની પસંદગી પ્રમાણેના ચૂંટણી નિશાન પંચને સુપ્રત કર્યાં હતા જેમાંથી પંચે એક ફાઈનલ નામ પર મંજૂરીની મહોર લગાવી હતી. 

ઉદ્ધવ ઠાકરે જૂથને મળ્યું મશાલનું ચિન્હ
સોમવારે ચૂંટણી પંચે ઉદ્ધવ ઠાકરે જૂથને મશાલનું ચૂંટણી ચિન્હ આપ્યું હતું. ઉદ્ધવ ઠાકરેની આગેવાનીવાળી શિવસેનાનું આ જૂથ હવે મશાલના ચિન્હ પર 3 નવેમ્બરે અંધેરી પેટાચૂંટણી લડશે. 

ઉદ્ધવ કે શિંદે નહીં મૂળ શિવસેના અને તેના નિશાન ધનુષ-બાણ પર નહીં લડી શકે ચૂંટણી
3 નવેમ્બરે અંધેરી બેઠકની પેટાચૂંટણી યોજાવાની છે અને તે માટે હવે ઉદ્ધવ કે શિંદે જૂથ તેમને મળેલા નવા નિશાન સાથે ચૂંટણી લડશે.