મહામંથન / મોંઘવારીનું ડબલ એન્જિન: શાકભાજી સાથે તેલ પણ ભડકે બળ્યું, મધ્યમવર્ગની લાચારી ક્યારે સમજશે સરકાર?

વિરાટ કોહલી કે રોહિત શર્મા જેવા ધુરંધર બેટ્સમેનની સેન્ચુરીની રાહ ક્રિકેટ રસીકો લાંબા સમયથી જોઈ રહ્યા છે.. અત્યારે એવુ કહી શકાય કે ચાહકોની સેન્ચુરીની અપેક્ષા શાકભાજી પુરી કરી રહ્યા છે. ટામેટાના ભાવ સદી વટાવી ગયા છે, અન્ય શાકભાજીના ભાવ પણ એવા છે કે સામાન્ય કે મધ્યમવર્ગીય પરિવાર તેને થાળીમાં સ્થાન આપતા વિચાર કરે. ખાદ્યતેલના ભાવ પણ દિવસે બે ગણા તો રાત્રે ચાર ગણા વધે છે. સિંગતેલ, કપાસિયા તેલના ભાવ એ રીતે વધ્યા કરે છે કે જાણે આ ભાવ ઉપર સરકારનો કોઈ અંકુશ જ નથી. ખુદ વેપારીઓ પણ સ્વીકારે છે કે સિંગતેલ, કપાસિયા તેલના ભાવ વધારા પાછળ ઉત્પાદકોની સિન્ડીકેટ જવાબદાર છે પણ કોઈને કશુ પગલા લેવા નથી કારણ કે કેટલાય લોકોના હિત સમાયેલા હશે. શાકભાજીના વધતા ભાવ પાછળ કદાચ વાવાઝોડા અને વરસાદની સ્થિતિને જવાબદાર માનીને ચાલીએ તો પણ એ સવાલ તો ઉભો જ રહે છે કે સામાન્ય માણસનું શું.. રોજબરોજની શાકભાજીનો ભાવ 100 રૂપિયાને પાર જતો રહે તો જનસામાન્ય શું કરે.. આટલી હદે જો શાકભાજીના ભાવ હોય તો થાળીમાં ખાવુ શું.. શું હવે એવો સમય આવશે કે દક્ષિણના રાજ્યોની જેમ થાળીમાં ચોખા જ લેવા પડશે.. સામાન્ય લાગતા સવાલો પાછળની સ્થિતિ ઘણી ગંભીર અને પેચીદી છે.

• મોંઘવારી દિવસે-દિવસે વધી રહી છે
• શાકભાજીના ભાવ આસમાને છે
• ખાદ્યતેલના ભાવ પણ કાબૂ બહાર છે
• કોમર્શિયલ LPG પણ મોંઘો થયો

મોંઘવારી દિવસે-દિવસે વધી રહી છે.  શાકભાજીના ભાવ આસમાને છે. ખાદ્યતેલના ભાવ પણ કાબૂ બહાર છે. કોમર્શિયલ LPG પણ મોંઘો થયો. વરસાદ અને વાવાઝોડાની સ્થિતિથી શાકભાજીને અસર પહોંચી છે. અડદ, કઠોળના ભાવ પણ સતત વધે છે. ઘરમાં થાળી પીરસતી વખતે શાક ભૂલી જવું પડે એવી સ્થિતિ છે.  કઠોળ કે ચોખા જ ખાવા પડે તેવી સ્થિતિ આવે તો નવાઈ નહીં. 

થાળીમાં શાક ભૂલી જવા પડશે?

ટામેટા
પહેલાનો ભાવ	50 થી 60/ કિલો
હાલનો ભાવ	140/ કિલો
ગવાર
પહેલાનો ભાવ	50/ કિલો
હાલનો ભાવ	80 થી 90/ કિલો
ભીંડા
પહેલાનો ભાવ	40/ કિલો
હાલનો ભાવ	60 થી 70/ કિલો
ટીંડોળા
પહેલાનો ભાવ	25 થી 30/ કિલો
હાલનો ભાવ	50 થી 60/ કિલો
મરચા
પહેલાનો ભાવ	70 થી 80/ કિલો
હાલનો ભાવ	90 થી 100/ કિલો
આદુ
પહેલાનો ભાવ	200/ કિલો
હાલનો ભાવ	250/ કિલો
ધાણા
પહેલાનો ભાવ	150/ કિલો
હાલનો ભાવ	220/ કિલો
રીંગણ
પહેલાનો ભાવ	50/ કિલો
હાલનો ભાવ	80/ કિલો

ખાદ્યતેલના ભાવમાં સતત તેજી

સિંગતેલ
ડબ્બાનો ભાવ	2890
કપાસિયા તેલ
ડબ્બાનો ભાવ	1730
પામોલીન તેલ
ડબ્બાનો ભાવ	1465
સનફ્લાવર તેલ
ડબ્બાનો ભાવ	1570
મકાઈનું તેલ
ડબ્બાનો ભાવ	1560
સરસવનું તેલ
ડબ્બાનો ભાવ	1620
કોકોનટ ઓઈલ
ડબ્બાનો ભાવ	2380

• વરસાદ અને વાવાઝોડાની અસર
• શાકભાજીના વાવેતરમાં નુકસાની પહોંચી
• માર્કેટમાં શાકભાજીની આવક ઓછી થઈ
• મહારાષ્ટ્ર અને બેંગ્લુરુથી ટામેટાની આવક ઓછી થઈ

શાકભાજીના ભાવ કેમ વધ્યા?
વરસાદ અને વાવાઝોડાની અસર થઈ છે.  શાકભાજીના વાવેતરમાં નુકસાની પહોંચી છે.  માર્કેટમાં શાકભાજીની આવક ઓછી થઈ છે.  મહારાષ્ટ્ર અને બેંગ્લુરુથી ટામેટાની આવક ઓછી થઈ. ગુજરાતમાં આ સિઝનમાં ટામેટાનું ઉત્પાદન ઓછું થાય છે. વાવાઝોડા વખતે ફૂંકાયેલા પવનથી વેલામાંથી ફૂલ ખરી ગયા છે.  શાકભાજીના અનેક વેલા વાવાઝોડામાં તૂટી ગયા. ત્યારે  હાલ દિવાળી સુધી ટામેટાના ભાવ વધુ રહે તેવી શક્યતા છે. 

• 60% ખાદ્યતેલ આયાત કરવું પડે છે
• આયાત ઘણી મોંઘી થઈ છે
• ટ્રાન્સપોર્ટેશનનો ખર્ચ વધી ગયો છે 

ખાદ્યતેલના ભાવમાં સતત વધારો કેમ?
60% ખાદ્યતેલ આયાત કરવું પડે છે.  આયાત ઘણી મોંઘી થઈ છે. ટ્રાન્સપોર્ટેશનનો ખર્ચ વધી ગયો છે. પામ ઓઈલનું માંગ પ્રમાણે ઉત્પાદન વધતું નથી.  કાચા માલની આવક ઓછી થઈ છે.  આવક ઓછી હોવાથી મગફળીનું પીલાણ ઘટ્યું. તેલ ઉત્પાદકોની સિન્ડીકેટ પણ જવાબદાર છે.