અનોખો કિસ્સો / ઢોંસા સાથે સાંભાર ન આપ્યું, હોટલની સામે ગ્રાહકે એવો કેસ કર્યો કે તમે વિચારી પણ નહીં શકો, 11 મહિને મળ્યા આટલા રૂપિયા

• રેસ્ટોરન્ટમાં ઢોંસાની સાથે સાંભાર ન આપતા કાર્યવાહી 
• 11 મહિના સુધી કેસ ચાલ્યો અને અંતે રેસ્ટોરન્ટને દંડ ફટકારાયો
• સ્ટોરન્ટને ઢોંસાની કિંમત કરતાં 25 ગણી કિંમત ચૂકવવા આદેશ 

એક માણસ રેસ્ટોરન્ટમાં ગયો અને ઢોંસાનો ઓર્ડર આપ્યો. જોકે બન્યું એવું કે, ઢોંસાઓ ઓર્ડર આપ્યા પછી ઢોંસા તો આવી ગયા પણ તેની સાથે સાંભાર નહોતો. આ તરફ નારાજ વ્યક્તિએ રેસ્ટોરન્ટને એવો પાઠ ભણાવ્યો કે, ભવિષ્યમાં આવી ભૂલ ના થાય. વાસ્તવમાં વ્યક્તિએ કાયદાનો સહારો લીધો હતો. 1 મહિના સુધી કેસ લડ્યા અને પછી સજા તરીકે રેસ્ટોરન્ટને ઢોંસાની કિંમત કરતાં 25 ગણી કિંમત ચૂકવવી પડી હતી. વ્યક્તિને 140 રૂપિયાના ઢોંસા માટે 3500 રૂપિયા મળ્યા.

એક મીડિયા અહેવાલ મુજબ આ ઘટના બિહારના બક્સરની છે. ગયા વર્ષે 15 ઓગસ્ટે મનીષ ગુપ્તાનો જન્મદિવસ હતો. ઘરે મહેમાનો પણ હાજર હતા એટલે મનીષ 'નમક' રેસ્ટોરન્ટમાંથી સ્પેશિયલ મસાલા ઢોંસા લાવ્યો. જ્યારે તેને ઘરે આવીને પેકેટ ખોલ્યું તો જોયું કે તેમાં સાંભાર નહોતો. બીજા દિવસે તે આ મામલે ફરિયાદ કરવા રેસ્ટોરન્ટના માલિક પાસે પહોંચ્યો. 

મેનેજરે અભદ્ર ભાષામાં વાત કરી અને પછી.... 
આ તરફ રજૂઆત કરવા પહોંચેલા મનીષ સાથે મેનેજરે કથિત રીતે અભદ્ર વાત કરી અને કહ્યું કે શું, તમે આખી રેસ્ટોરન્ટ 140 રૂપિયામાં ખરીદી શકશો? મેનેજરને ખબર નહોતી કે મનીષ વ્યવસાયે વકીલ છે. નારાજ મનીષે રેસ્ટોરન્ટને લીગલ નોટિસ આપી.

11 મહિના સુધી સુનાવણી ચાલી
આ તરફ મનીષે જિલ્લા ગ્રાહક આયોગમાં ફરિયાદ કરી હતી. આ કેસની સુનાવણી 11 મહિના સુધી ચાલી હતી. કમિશનના અધ્યક્ષ વેદ પ્રકાશ સિંહ અને સભ્ય વરુણ કુમારની ડિવિઝન બેન્ચે રેસ્ટોરન્ટને દોષિત ગણાવી અને દંડ ભરવા કહ્યું. કમિશને ઉપભોક્તાને થતી માનસિક, શારીરિક અને આર્થિક મુશ્કેલી માટે રેસ્ટોરન્ટને રૂ.2,000નો દંડ અને મુકદ્દમા ખર્ચ તરીકે રૂ. 1,500નો અલગ દંડ ફટકાર્યો હતો. આ સાથે રેસ્ટોરન્ટને 45 દિવસમાં કુલ 3500 રૂપિયાનો દંડ ભરવાનો આદેશ આપવામાં આવ્યો હતો. કોર્ટે કહ્યું કે, જો સમયસર ચુકવણી નહીં થાય તો 8% વ્યાજ પણ અલગથી ચૂકવવું પડશે.