હેલ્થ / શું તમે પણ શિયાળામાં મોર્નિંગ વૉક કરો છો? જાણો કેટલું ચાલવું સૌથી બેસ્ટ અને કઈ વાતનું ખાસ રાખવું જોઈએ ધ્યાન

• મોર્નિંગ વૉકથી શારીરક અને માનસિક સ્વાસ્થ્ય સારું રહે
• શિયાળામાં હાર્ટ અટેકની સમસ્યા વધી જાય છે
• મોર્નિંગ વૉકની શરૂઆત ધીમે-ધીમે ચાલવાથી કરો

મોર્નિંગ વૉક યોગ્ય વ્યાયામ છે. તેનાથી સ્વાસ્થ્યને ઘણા ફાયદા થાય છે. મોર્નિંગ વોક કેટલાંક લોકોની દિનચર્યાનું ભાગ હોય છે. ઘણા લોકો શિયાળાની ઠંડીનાં કારણે મોર્નિંગ વૉક પર જવાનું બંધ કરી દે છે. આવું કરવાથી તમારા સ્વાસ્થ્ય પર થતી અસર વિશે જાણો. 

મોર્નિંગ વૉક શું કામ જરૂરી 
મોર્નિંગ વૉકથી શારીરક સ્વાસ્થ્ય અને માનસિક સ્વાસ્થ્ય સારું રહે છે.  મોર્નિંગ વૉક તમારું મેટાબોલિઝમ સુધારે છે. જેના કારણે વજન નિયંત્રણમાં રહે છે. સવારની તાજી હવા અને સ્વસ્થ વાતાવરણ તણાવને દૂર કરે છે. નિયમિત રીતે મોર્નિંગ વૉક કરવાથી તમારા હાડકા અને સ્નાયુઓ મજબૂત બને છે. જેના કારણે સાંધાની સમસ્યા થતી નથી. નિયમિત રીતે મોર્નિંગ વૉક કરવાથી રોગપ્રતિકારક શક્તિ વધે છે અને ડાયાબિટીસની સમસ્યા પણ ઓછી થઈ જાય છે. 

વાંચવા જેવું: નસોમાં જમા ગંદા કોલેસ્ટ્રોલને પાણીની જેમ વહાવી દેશે આ 5 ચીજ, આજથી જ ઉપયોગ શરૂ કરો

શિયાળામાં આ બાબતનું ખાસ ધ્યાન રાખો 
મોર્નિંગ વૉકનાં ઘણા ફાયદાઓ છે પણ શિયાળામાં તેની સાથે ઘણા જોખમો જોડાયેલા છે. શિયાળામાં હાર્ટ અટેકની સમસ્યા વધી જાય છે. વિવિધ અભ્યાસ મુજબ, શિયાળામાં એક્યુટ કોરોનરી સિન્ડ્રોમ એટલે કે ACS દર વધી જાય છે. જેથી હ્રદયનાં સ્નાયુઓમાં અચાનક લોહીનો પ્રવાહ બંધ થઈ જાય છે. જેના કારણે હાર્ટ અટેકનું જોખમ વધી જાય છે. એટલા માટે શિયાળામાં મોર્નિંગ વૉક કરતી વખતે અમુક બાબતોનું ખાસ ધ્યાન રાખવું જોઈએ. 

આ સાવચેતી રાખવી 
સ્વાસ્થ્ય નિષ્ણાંતો મુજબ દરરોજ દસ હજાર પગલાં ચાલવાથી તમે સ્વસ્થ રહી શકો છો. મોર્નિંગ વૉક પર જતાં પહેલા ધ્યાન રાખો કે તમે તમારા શરીરને સંપૂર્ણપણે ઢાંકેલું હોય. તમારા હાથ, કાન અને માથાને ગરમ કપડાં વડે ઢાંકવાનું ભુલશો નહીં. મોર્નિંગ વૉકની શરૂઆત ધીમે-ધીમે ચાલવાથી કરો. જો તમને શ્વાસ અથવા હ્રદયની કોઈ ગંભીર સમસ્યા હોય તો મોર્નિંગ વૉક કરવાનું ટાળવું જોઈએ. આ એક બાબતનું ખાસ ધ્યાન રાખો કે મોર્નિંગ વૉકનો મતલબ એમ નથી કે તમે શિયાળામાં સવારે 5-6 વાગ્યે ચાલવા નીકળી પડો. તમે સૂર્યોદય પછી 8 થી 9 વાગ્યાની વચ્ચે પણ મોર્નિંગ વૉક કરી શકો.