વાસ્તુ ટિપ્સ / નિયમિત સવારે ઘરના મુખ્ય દ્વાર પર કરો આ કામ, મા લક્ષ્મીનો નિવાસ થવાની છે માન્યતા

• હિન્દુ ધર્મમાં સ્વસ્તિકના ચિહ્નને ખૂબ જ શુભ માનવામાં આવે છે
• સવારે અને સાંજે ઘરના મુખ્ય દરવાજા પર નિયમિતપણે ઘીનો દીવો પ્રગટાવો
• ઘરના મુખ્ય દરવાજા પર રંગોળી બનાવો

Lakshmi Ji Upay:ઘરમાં સુખ, શાંતિ અને સમૃદ્ધિ રહેવા માટે ઘરમાં સકારાત્મકતા હોવી ખૂબ જ જરૂરી છે. જો તમે દરરોજ ઘરના મુખ્ય દરવાજા પર આ વસ્તુઓ કરો છો, તો દેવી લક્ષ્મીનું તમારા ઘરમાં આગમન થાય છે.

વાસ્તુશાસ્ત્ર અનુસાર, ઘરની સાથે સાથે ઘરના મુખ્ય દરવાજાને પણ સાફ રાખવો જરૂરી છે. જો ઘરનો મુખ્ય દરવાજો ગંદો હોય તો ઘરમાં નકારાત્મકતા ઝડપથી પ્રવેશ કરે છે. એટલા માટે સવારે ઉઠ્યા પછી સૌથી પહેલા ઘરના મુખ્ય દરવાજા અને એન્ટ્રસને સાફ કરો. આ પછી મુખ્ય દરવાજાની બંને બાજુ પાણી રેડો.

હિન્દુ ધર્મમાં સ્વસ્તિકના ચિહ્નને ખૂબ જ શુભ માનવામાં આવે છે. માન્યતા છે કે, તેને ઘરની બહાર લગાવવાથી ઘરમાં સુખ-સમૃદ્ધિ આવે છે. દરરોજ ઘરના માલિક અથવા મોટા પુત્રએ ઘરના મુખ્ય દરવાજાની બંને બાજુ કંકુંથી સ્વસ્તિકનું ચિહ્ન બનાવીને તેની પૂજા કરવી જોઈએ. તેનાથી આર્થિક સ્થિતિ મજબૂત બને છે.

ભારતીય પરંપરાઓમાં, ખાસ પ્રસંગોએ ઘરના મુખ્ય દરવાજા પર રંગોળી બનાવવામાં આવે છે. ખાસ કરીને દિવાળીમાં રંગોળી બનાવવાની પરંપરા છે. માનવામાં આવે છે કે, તેનાથી ઘરમાં દેવી લક્ષ્મીનું આગમન થાય છે. પરંતુ આ નિયમિતપણે કરવું જોઈએ. તમે લોટ વડે ઘરના મુખ્ય દરવાજાની બંને બાજુ નાની રંગોળી અથવા મા લક્ષ્મીના પગના ચિહ્ન બનાવી શકો છો.

દરરોજ ઘરમાં પૂજા-પાઠ કરો. પૂજા કર્યા પછી ઘરના મુખ્ય દરવાજા પર વાસણમાં પાણી અને હળદરને મિક્સ કરીને મુખ્ય દરવાજા પર છંટકાવ કરો. આમ, કરવાથી ઘરમાં સમૃદ્ધિ આવે છે.

સવારે અને સાંજે ઘરના મુખ્ય દરવાજા પર નિયમિતપણે ઘીનો દીવો પ્રગટાવો. આમ કરવાથી દેવી લક્ષ્મી પ્રસન્ન થાય છે અને તે ઘરમાં વાસ કરે છે.

DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.