અયોધ્યા રામ મંદિર / આજની ઘડી તે રળિયામણી...દેશભરમાં દિવાળી જેવો માહોલ, આતશબાજી અને દીપોત્સવ સાથે રામના આગમનની ભવ્ય ઉજવણી

• રામલલાની 500 વર્ષની પ્રતિક્ષાનો આજે અંત આવ્યો 
• 500 વર્ષની પ્રતિક્ષા બાદ અયોધ્યા રામમંદિરની પ્રાણ પ્રતિષ્ઠા 
• આતશબાજી સાથે રામના આગમનની ભવ્ય ઉજવણી

Ayodhya Ram Mandir : રામલલાની 500 વર્ષની પ્રતિક્ષાનો આજે અંત આવ્યો છે. જે ક્ષણની સમગ્ર દેશવાસીઓ કાગડોળે રાહ જોઇ રહ્યાં હતા તેનો આજે અંત આવ્યો છે. 500 વર્ષની પ્રતિક્ષા બાદ આજે રામલલાની અયોધ્યા રામમંદિર ખાતે પ્રાણ પ્રતિષ્ઠા થઈ છે. અયોધ્યામાં રામ મંદિરની પ્રાણ પ્રતિષ્ઠા થતાં જ દેશભરમાં આતશબાજી કરવામાં આવી હતી. ઠેર-ઠેર શ્રી રામ, જય રામ-જય જય રામ અને રઘુપતિ રાઘવ રાજારામ...સબકો સદબુદ્ધિ દે ભગવાન ભજન વાગતા સંભળાયા હતા. 

#WATCH | 'Sandhya Aarti' being performed at Saryu Ghat in Ayodhya after Ram temple 'Pran Pratishtha'. January 22, 2024

વાંચવા જેવું: મુખ્યમંત્રી ભૂપેન્દ્ર પટેલે રામ મંદિરમાં પ્રાણ પ્રતિષ્ઠા બાદ નાગરિકોને પાઠવી શુભેચ્છા, કહ્યું આતુરતાનો અંત

ભારત માટે બીજી દિવાળી કહી શકાય એ રામ મંદિરની આજે પ્રાણ પ્રતિષ્ઠા થતાં જ લોકોમાં ભારે ઉત્સાહ જોવા મળી રહ્યો  છે. આજે વડાપ્રધાન નરેન્દ્ર મોદી ઉપરાંત ઉત્તર પ્રદેશના રાજ્યપાલ આનંદી બેન પટેલ, સંઘ પ્રમુખ મોહન ભાગવત, ઉત્તર પ્રદેશના મુખ્યમંત્રી યોગી આદિત્યનાથ, રામ મંદિરના મુખ્ય આચાર્ય સત્યેન્દ્ર આ કાર્યક્રમ દરમિયાન ગર્ભગૃહમાં હાજર રહ્યા હતા. નોંધનીય છે કે, પ્રાણ પ્રતિષ્ઠા સમયે ગર્ભગૃહનો પડદો બંધ રહ્યો હતો. રામલલાની મૂર્તિની આંખ પરથી પાટો હટાવ્યા પછી મૂર્તિને અરીસો બતાવવામાં આવ્યો હતો જેથી ભગવાન પોતે પ્રથમ તેમનો ચહેરો જોઈ શકે.

#WATCH | Uttarakhand: Aarti being performed at Har Ki Pauri, Haridwar after Ram temple 'Pran Pratishtha' ceremony in Ayodhya January 22, 2024