પોલીસ / દિલ્હીની હિંસામાં ઈજાગ્રસ્તો માટે પોલીસના જવાનોએ જે કર્યુ તેની માટે સો સલામ

• દિલ્હીવાસીઓના જીવ બચાવવા માટે CRPFના 1500 જવાનોએ રક્તદાન કર્યું
• 30થી વધારે સીઆરપીએફ જવાનોએ જીટીબી હોસ્પિટલમાં રક્તદાન કર્યું છે
• CRPFના 1500 સુરક્ષા કર્મીઓએ એમ્સ તરફથી આયોજિત બ્લડ ડોનેશન કેમ્પમાં ભાગ લીધો

આવી સ્થિતિમાં પેરા-મિલિટ્રી ફોર્સ ઉત્તર-પૂર્વી દિલ્હીના હિંસા પ્રભાવિત વિસ્તારમાં સુરક્ષા આપી રહી છે ત્યારે દિલ્હીવાસીઓના જીવ બચાવવા માટે સીઆરપીએફ (CRPF)ના 1500 જવાનોએ પોતાનું લોહી આપ્યું છે.

30થી વધારે સીઆરપીએફ જવાનોએ જીટીબી હોસ્પિટલમાં રક્તદાન કર્યું છે જેથી ઘાયલોની સારવાર માટે લોહીની અછત ન થાય. અધિકારીઓએ જણાવ્યું કે મંગળવારે પેરામિલિટ્રીના 50 જવાનોને હોસ્પિટલમાં મોકલવામાં આવ્યા હતા. જેમાથી 34 જવાનોએ રક્તદાન કર્યું. બાકી જવાનોને સ્ટેન્ડબાય પર રાખવામાં આવ્યા છે. 

देश का खून, देश के नाम:
More than 1500 personnel of #CAPF donated blood in the mega blood donation drive organised by @aiims_newdelhi today. pic.twitter.com/ZCdYD96uhc

— 🇮🇳CRPF🇮🇳 (@crpfindia) February 27, 2020

એક વરિષ્ઠ અધિકારીએ જણાવ્યું, જીટીબી હોસ્પિટલના બ્લડ બેન્કમાં પર્યાપ્ત બ્લડ મળી રહે તેના માટે બ્લડ ડોનેટ કરવામાં આવ્યું. જ્યાં મંગળવારથી દિલ્હીમાં ફાટી નીકળેલી હિંસામાં ઘાયલ થયેલા લોકોને ભરતી કરવામાં આવ્યા છે. નોંધનીય છે કે હિંસામાં મરનાર લોકોની સંખ્યા ગુરુવારે વધીને 38 થઇ ગઇ અને 200થી વધારે લોકો ઘાયલ છે. 

આ દરમિયાન સીએપીએફના 1500 સુરક્ષા કર્મીઓએ એમ્સ તરફથી આયોજિત કેમ્પમાં ગુરુવારે બ્લડ ડોનેશન કેમ્પમાં ભાગ લીધો. સીએપીએફના અંતર્ગત આવનારી સીઆરપીએફ, બીએસએફ, સીઆઇએસએફ અને આઇટીબીપીના કર્મીઓએ બ્લડ ડોનેટ કર્યું છે. સીએપીએફના વરિષ્ઠ અધિકારીએ જણાવ્યું કે તેમા સીઆરપીએફના 500 કર્મી, સીઆઇએસએફના 400, બીએસએફના 350 અને આઇટીબીપીના 100 સુરક્ષા કર્મીઓને બ્લડ ડોનેટ કર્યું છે.