- દિલ્લી DyCM મનિષ સિસોદિયા સામે આક્ષેપનો મામલો
- અમે શાળાઓને મામલે કોઇ જ ગેરરીતિ નથી કરીઃ મનિષ સિસોદિયા
- મારી સામે જેટલી તપાસ કરવા માગો તેટલી કરી શકો છોઃ મનિષ સિસોદિયા
દિલ્લી DyCM મનિષ સિસોદિયા આજે વડોદરાના પ્રવાસે હતા. તે દરમિયાન તેમણે સત્યેન્દ્ર જૈન વિરુદ્ધ થયેલી કાર્યવાહી મામલે પણ વિરોધ વ્યક્ત કર્યો હતો.મનિષ સિસોદિયાએ કહ્યું હતું કે પહેલા પણ મારા ઘરે CBIની ટીમ મોકલી હતી. જેટલી તપાસ કરવા માગો તેટલી કરી શકો છો.ત્યારે પણ કઈજ મળ્યું ન હતું હવે તપાસ કરાવશે તો પણ નહી મળે કારણ કે હાલ એવા આરોપો મુકાઇ રહ્યા છે કે અમે શાળાઓ બનાવાયમાં ભ્રષ્ટાચાર કર્યો છે પણ આપને કહી દઉ કે કોઇ જ ગેરરીતિ નથી કરી આ વખતે પણ તપાસમાં કંઇ મળવાનું નથી.સવાલ એ છે કે ગુજરાતમાં શાળાઓ ખખડધજ છે તેની તપાસ કેમ થતી નથી.
'ગુજરાતમાં ભાજપ 27 વર્ષમાં સારી શાળા ન બનાવી શકી'
મનીષ સિસોદિયાના ભાજપ સરકાર પર પ્રહાર કરતાં કહ્યું કે વડોદરામાં દિલ્લી અને ગુજરાતની શાળાઓનુ એક્ઝિબિશન બતાવાયુ, ગુજરાતમાં 27 વર્ષના ભાજપના સાશનની શાળા બતાવવામાં આવી તેની સામે દિલ્લીની શાળાઓ પણ બતાવવામાં આવી. ગુજરાતમાં ભાજપ 27 વર્ષમાં સારી શાળા ન બનાવી શકી હોવાનો દાવો કરી કહ્યું કે જો દિલ્લીમાં 5 વર્ષમાં શાળાની સ્થિતિ બદલાઈ શકતી હોય તો ગુજરાતમાં કેમ નહી ?
અમે ડેટા સેન્ટર નહી પણ દિલ્હીની શાળા બતાવીએ છીએ: મનીષ સિસોદિયા
ગાંધીનગરમાં મહાત્મા મંદિર ખાતે 1 અને 2 જૂન દરમિયાન બે દિવસીય નેશનલ કોન્ફરન્સ ઓફ સ્કૂલ એજ્યુકેશન મિનિસ્ટરનું આયોજન કરવામાં આવ્યું હતું. જેમાં દેશના તમામ શિક્ષણમંત્રીઑ હાજર રહ્યા હતા. જેમાં ગુજરાતના ડેટા સેન્ટરની મુલાકાત પણ કરાવવામાં આવી હતી. જે બાબતે વાત કરતાં મનીષ સિસોદિયાએ કહ્યું કે ન્યુ એજ્યુકેશન પોલિસી પર દેશના તમામ શિક્ષામંત્રીઓને ગુજરાત બોલાયા. ન્યુ એજ્યુકેશન પોલિસી ચર્ચા બાદ તમામ મંત્રીને ગુજરાત બતાવવામાં આવ્યુ પણ એક પણ મંત્રીને ગુજરાતની શાળા બતાવવામાં ન આવી. ગુજરાતમાં એક પણ શાળા લોકોને બતાવવાને લાયક નથી. દિલ્લીમાં કોઈ આવે ત્યારે અમે ડેટા સેન્ટર નહી પણ શાળા બતાવીએ છીએ.
