- ઈન્સ્ટાગ્રામમાં આવ્યું નવું ફીચર
- તમારા ઈન્સ્ટાગ્રામ પ્રોફાઇલમાં દેખાય રહ્યું છે ક્રાઉન?
- સબ્સ્ક્રિપ્શન્સ થકી ઓડિયન્સ સુધી પહોંચવું હવે આસાન
લાખો કરોડો લોકો ઈન્સ્ટાગ્રામમાં ક્રિએટર અથવા યુઝર્સ છે. ત્યારે જો Instagram માં હજુ સુધી તમને એક્સક્લુઝીવ કન્ટેન્ટ અને ક્રાઉનનું ઓપ્શન આપ્યું નથી તો આ જાણકારી તમારા માટે છે. instagram દ્વારા એક્સક્લુઝીવ કન્ટેન માટે નવુ ટેપ એડ કરવામાં આવ્યુ છે. જેમાં તમે એક્સક્લુઝીવ વસ્તુ પોસ્ટ કરી શકો છો જેના માટે તમારા ફોલોઅર્સ તમારા પેજ પર સબ્સ્ક્રાઇબ કરશે. જેનો મતલબ એવો છે કે હવે YouTube ની જેમ, તમારા સબ્સ્ક્રાઇબર્સ Instagram પર પણ વધી શકે છે.
આ રીતે થશે કામ
ઇન્સ્ટાગ્રામ પેઇડ સબ્સ્ક્રિપ્શન્સ થકી ઓડિયન્સ સુધી પહોંચવું હવે આસાન બની ગયું છે. તમારી પ્રોફાઇલ પર ફીડ સ્ટોરીઝ અને રીલ્સની જેમ હવે એક એક્સક્લુઝીવ સામગ્રીનો એક વિભાગ બનાવાયો છે. તેનો અર્થ એ છે કે જો તમેં તમારા ફોલોઅર્સને સિલેકટેડ જ વસ્તુ બતાવવા માંગતા હોય તો તે એજ જોઈ શકશે. તથા તમે પહેલેથી કોઈ ક્રિએટરને અનુસરો છો અને તેમની પોસ્ટ જોવા માટે સબ્સ્ક્રાઇબ કરો છો, તો તે ફીડ પર દેખાશે. તમે નિર્માતાની પ્રોફાઇલ પર જઈ શકો છો અને એક્સક્લુઝીવ કન્ટેન્ટ માટે ટૅબમાં સામગ્રીને ઍક્સેસ કરી શકો છો. તથા તમે સબસ્ક્રિસન મેળવ્યું હોય તેનું કાન્ટેન્ટ જોઈ શકો છે.
ક્રિએટરના વીડિયો ફોટા, એક્સક્લુઝીવ માહિતી જોવા માટે સબ્સ્ક્રિપ્શન મેળવવા માટે પ્રથમ તમારે Instagram હોમ પેજની મુલાકાત લેવી. જ્યા ડ્રોપ-ડાઉન મેનૂમાંથી સબ્સ્ક્રિપ્શન્સ મેનુ પસંદ કરી તમે તમારા સબ્સ્ક્રિપ્શન ફીડને ઍક્સેસ કરી શકો છો. જે 30 દિવસની સામગ્રી બતાવશે, આથી તમે સબ્સ્ક્રાઇબ કરેલ યુઝર્સની નવી પોસ્ટ્સ અને રીલ્સ તમને જોવા મળી શકે છે. જો તમે સબ્સ્ક્રાઇબર નથી તો તમને ક્રાઉન આઇકન અને યુઝર્સને સબ્સ્ક્રાઇબ કરવાનો વિકલ્પ બતાવશે.આ માટે કોઈ લાંબી પ્રક્રિયામાં પડવાનું નથી માત્ર તમારા ફેવરિટ યુઝરની પ્રોફાઇલ પર જઇ ક્રાઉન આઇકોન સાથે સબસ્ક્રિપ્શન ટેબ પર ક્લિક કરવું બાદમાં તમે તેમની વીડિયો, રીલ્સ અને વાર્તાઓ જોઇ શકશો.
