- કોવિશિલ્ડ અને કોવેક્સિન હવે બજારમાં મળી શકશે
- કેન્દ્ર સરકારે આપી શરતી મંજૂરી આપી
- વેક્સિનની કિંમત 275 થી 150 રૂપિયા રાખવામાં આવે તેવી શક્યતા
કોરોના મહામારીમાં સૌથી મોટું હથિયાર આપણી પાસે વેક્સિન સાબિત થઈ છે. 16 જાન્યુઆરી 2021થી દેશમાં લોકોને વેક્સિન આપવાનું શરૂ કરવામાં આવ્યું હતું. ત્યારે હવે DCGI દ્વારા ભારતની બંને વેક્સિન કોવેક્સિન અને કોવિશિલ્ડ બજારમાં વેચવાની મંજૂરી આપી દેવામાં આવી છે. જેથી ટૂંક સમયમાં લોકો વેક્સિનને હવે ખરીદી શકશે.
વેક્સિનની કિંમત 275 રાખવામાં આવે તેવી શક્યતા
અગાઉ સૂત્રો દ્વારા એવી માહિતી મળી હતી કે વેક્સિનની કિંમત 275 રૂપિયાથી લઈને 150 રૂપિયા રાખવામાં આવી શકે છે. NPPA દ્વારા વેક્સિનને યોગ્ય ભાવમાં લાવવા માટે અમુક દિશા નિર્દેશોને જાહેર કરવામાં આવ્યા છે. હાલ કોવેક્સિનની કિંમત 1200 રૂપિયા છે જ્યારે કોવિશિલ્ડના એક ડોઝની કિંમત 780 રૂપિયા છે.
હાલ બંન્ને વેક્સિનનો ઈમરજન્સી ઉપયોગ કરી શકાશે
વેક્સિનની કિંમત 150 રૂપિયા રાખવામાં આવે તેવી શક્યતા પણ સેવાઈ રહી છે. જોકે હાલ બંન્ને વેક્સિનનો ઈમરજન્સી ઉપયોગ કરી શકાશે. સીરમ ઈન્સ્ટિટ્યૂટ ઓફ ઈન્ડિયા દ્વારા કોવિશીલ્ડ વેક્સિન બનાવામાં આવે છે. જ્યારે ભારત બાયોટેક દ્વારા કોવેક્સિન બનાવામાં આવે છે. આ બંને વેક્સિનને બજારમાં વેચવાની મંજૂરી મળી ગઈ છે.
કોરોનાના સતત વધતા કેસને લઈ લેવાયો મોટો નિર્ણય
ઉલ્લેખનીય છે કે દેશમાં કોરોનાના કેસ સતત વધી રહ્યા છે. જેમા છેલ્લા 24 કલાકમાં 2,86,384 કેસ નોંધાયા છે. સાથેજ 573 લોકોના મોત થયા છે. જેથી સરકાર દ્વારા કોરોના સામે લડવા બને તેટલા પ્રયાસ કરવામાં આવી રહ્યા છે. જેમાં હવે ભારતની બંન્ને વેક્સિન પણ લોકોને બજારમાં વેચાતી મળી શકશે.
