- ગુજરાતમાં આજે વધુ 54 પોઝિટિવ કેસ નોંધાયા
- અમદાવાદમાં વધુ નવા 31 પોઝિટિવ કેસ
- અત્યાર સુધી અમદાવાદમાં કુલ કેસ 228 થયા
રાજ્યમાં જ્યાં કોરોના વાયરસના પોઝિટિવ સંખ્યામાં વધારો જોવા મળી રહ્યો છે ત્યારે હોટસ્પોટ ગણાતાં અમદાવાદ શહેરમાં આજરોજ નવા 31 કેસ સામે આવ્યાં છે. જેને લઇને અમદાવાદમાં કોરોના પોઝિટિવ કેસની સંખ્યા 228 પર પહોંચી ગયો છે.
અમદાવાદ શહેરની વાત કરીએ તો છેલ્લા 48 કલાકમાં આવેલાં નવા કેસ હોટસ્પોટ વિસ્તારમાંથી જ આવ્યાં છે. જ્યારે બીજી તરફ શહેરના પશ્ચિમ વિસ્તારના સંક્રમિતોની સંખ્યા કુલ કેસની સરખામણીએ નહીંવત જોવા મળ્યાં છે. અમદાવાદમાં વધી રહેલાં કેસોની સંખ્યા જોતા આવનાર સમયમાં મુંબઈ અથવા દિલ્હી જેવી પરિસ્થિતિ ઉભી થવાનો તંત્રને ભય લાગી રહ્યો છે. જ્યારે શહેરના બોપલ ઘુમા વિસ્તારમાં કોરોના ભગાવો અભિયાન હાલ ચાલી રહ્યું છે.
.jpg)
જેમાં બોપલ-ઘુમા સેવા સંઘ દ્વારા સ્વખર્ચે વિવિધ સોસાયટીમાં સેનેટાઈઝ કરવાની કામગીરી હાથ ધરાઈ છે. અત્યાર સુધીમાં 40થી વધુ સોસાયટી સેનેટાઈઝ કરવામાં આવી છે. હોટ સ્પોટ અમદાવાદમાં પોલીસ નો બંદોબસ્ત ચુસ્તપણે ગોઠવવામાં આવ્યો છે. જ્યારે શહેરના કોટ વિસ્તારને બફર ઝોન જાહેર કરાયો છે.
કોટ વિસ્તારના એન્ટ્રી પોઇન્ટ પર ચુસ્ત પોલીસ બંદોબસ્ત ગોઠવામાં આવ્યો છે. જ્યારે વાહન ચાલકોની પૂછપરછ બાદ જ કોટ વિસ્તારમાં એન્ટ્રી આપવામાં આવી રહી છે. તો બીજી તરફ આરોગ્ય વિભાગની ટીમોનું કોટ વિસ્તારમાં મેડિકલ ચેકીંગ ચાલુ જોવા મળી રહ્યું છે. તંત્ર દ્વારા શહેરમાં બફર ઝોન નક્કી કર્યા બાદ કોટ વિસ્તારને સીલ કરાયો છે.
ગુજરાત રાજ્યમાં કોરોનાનો વધતો વ્યાપ સામે આવ્યો છે. જેમાં આજે વધુ 54 પોઝિટિવ કેસ નોંધાયા છે. જેમાં સૌથી વધુ અમદાવાદમાં નવા 31 પોઝિટિવ કેસ નોંધાયા છે. અત્યાર સુધીમાં અમદાવાદમાં 228 કેસ થયા છે. જ્યારે વડોદરામાં 18 નવા કેસ સાથે કુલ 77 થયા છે. આણંદમાં 3 કોરોના પોઝિટિવ કેસ નોંધાયા છે. જ્યારે સુરત અને ભાવનગરમાં વધુ 1-1 કેસ પોઝિટિવ સામે આવ્યો છે. આમ રાજ્યમાં અત્યાર સુદીમાં કુલ 432 પોઝિટિવ કેસ નોંધાયા છે.
