Coronavirus / મહારાષ્ટ્રથી પોતાના વતન ઉત્તર પ્રદેશ પહોંચેલા 7 મજુરોનો કોરોનાનો રિપોર્ટ પોઝિટિવ આવતા તંત્ર દોડતુ થયું

• મહારાષ્ટ્રના 7 સ્થળાંતર મજૂરો કોરોના વાયરસથી પીડિત
• ઉત્તર પ્રદેશ પહોંચતા તેમને ક્વોરેન્ટાઈન કરાય હતા
• ક્વોરેન્ટાઈન સેન્ટરને સેનેટાઈઝ કરવામાં આવ્યુ છે

એક તરફ કેન્દ્ર સરકારે લોકડાઉનમાં ફસાયેલા પરપ્રાંતિય મજૂરો, વિદ્યાર્થીઓ અને પ્રવાસીઓના સ્થળાંતરમાં રાહત આપવાની જાહેરાત કરી છે. તે જ સમયે, ઉત્તર પ્રદેશના મહારાષ્ટ્રના 7 સ્થળાંતર મજૂરો કોરોના વાયરસથી પીડિત હોવાનું જાણવા મળ્યું છે. ત્યારબાદથી સરકાર અને પ્રશાસનની ચિંતામાં વધારો જોવા મળ્યો છે. આ તમામ પીડિતો બસ્તી જિલ્લામાં છે. રાહત એ છે કે દરેકને ક્વોરેન્ટાઈન કરવામાં આવ્ય હતા. હવે આ તમામને સ્થાનિક હોસ્પિટલમાં દાખલ કરવામાં આવ્યા છે . તેમજ ક્વોરેન્ટાઇન સેન્ટરને સેનેટાઈઝ કરવામાં આવ્યા છે.

એવું કહેવામાં આવી રહ્યું છે કે આ વિસ્તાર બહારથી આવતા પરપ્રાંતિય મજૂરોના કોરોના પોઝિટિવનું એક મોટું ક્લસ્ટર બની ગયું છે.  ઉલ્લેખનીય કે, 25 માર્ચથી લોકડાઉનની જાહેરાત બાદ દેશના ઘણા ભાગોમાં લાખો પરપ્રાંતિય મજૂરો અટવાઈ ગયા હતા.  કોરોના રોગને કારણે અત્યાર સુધીમાં 1200 જેટલા લોકોનાં મોત નીપજ્યાં છે અને 37,000 જેટલા કેસ નોંધાયા છે.

ઘણા એવા પરપ્રાંતિય મજૂરો પણ છે જેઓ તેમના ગામ પહોંચવા માટે સેંકડો કિલોમીટર ચાલ્યા ગયા હતા. તેમાંથી ઘણાએ રસ્તામાં જીવ ગુમાવ્યો હતો. દેશના ભાગોમાં ફસાયેલા મજૂરો સતત ઘરે જવાની માંગ કરી રહ્યા હતા અને યુપી સહિત અનેક રાજ્ય સરકારએ પહેલ કરી રહી હતી. જો કે આના પર ઘણા મતભેદ પણ રહ્યા છે.  અંતે મજૂરોની હાલત જોઈને કેન્દ્ર સરકારે ઢીલ મુકી છે અને ઘણી જગ્યાએથી વિશેષ ટ્રેનો પણ દોડાવવામાં આવી રહી છે.