જૂનાગઢ / કોરોના સમયનો ખર્ચ અને ટેન્ડરની ન.પા. પાસે વિગત માંગતા ભાજપમાં ડખો, 5 સભ્યોએ રાજીનામાં આપી કર્યા ગંભીર આક્ષેપ

• માણાવદર ભાજપના પાંચ સભ્યોના રાજીનામાં 
• ખર્ચ અને ટેન્ડરની વિગતો માંગતા થયો મોટો ડખો 
• પાલિકા પ્રમુખના પતિ ધમકાવતા હોવાનો આરોપ 

જૂનાગઢમાં ભાજપ બહુમતીવાળી માણાવદર નગરપાલિકામાં ભાજપના 5 સભ્યોએ રાજીનામાં આપ્યા છે.5 સભ્યોએ ભાજપના પ્રાથમિક સભ્ય પદેથી રાજીનામું આપ્યું છે.જનરલ બોર્ડની બેઠકમાં કોરોના સમયના ખર્ચ અને ટેન્ડરની વિગત માંગતા ડખો થયો હતો.ખર્ચમાં ભ્રષ્ટાચાર થયાની આશંકાએ ખુલાસો માંગ્યો હતો.આ સભ્યોએ નગરપાલિકા ઉપપ્રમુખના પતિ સામે આક્ષેપ કર્યા છે.બોર્ડમાં બહારથી હથિયારધારી લોકોને બોલાવી ધાક ધમકી આપી હોવાનો આક્ષેપ કરવામાં આવ્યો છે.તેમજ ગ્રાન્ટ પણ ન ફાળવાતી હોવાનો આક્ષેપ કર્યો છે.

માણાવદર એટલે જવાહર ચાવડાનો ગઢ. રાજ્યના પૂર્વ કેબીનેટ મંત્રી જવાહર ચાવડાનાં મતવિસ્તારમાં નગરપાલિકાના ભાજપના પાંચ સદસ્યોએ રાજીનામાં આપી દેતા ખળભળાટ મચી ગયો છે.કહેવાય છે કે, કોરોના કાળમાં થયેલા કામ અને ખર્ચ સહિતની વિગતો માંગવામાં આવી હતી. ટેન્ડર પ્રકિયાથી માંડીને ખર્ચમાં ભ્રષ્ટ્રાચારની બૂ આવી હતી. નગર પાલિકા પ્રમુખના પતિ સામે પણ આક્ષેપો થયા છે. આ ઉપરાંત બોર્ડની બેઠક દરમિયાન ધાક ધમકી પણ આપાઈ હોવાનો આક્ષેપ કરવામાં આવ્યો છે.