મોરબીમાં પકડાયેલ નકલી ટોકનાકામાં પાટીદાર અગ્રણીનાં દીકરાની સંડોવણી બહાર આવ્યા બાદ મામલો વધુ પેચીદો બની રહ્યો છે. આ મામલે રાજકોટ ખાતે કડવા પાટીદાર સમાજની મહત્વની બેઠક મળી. જેમાં સમાજની બદનામી સહિતના મુદ્દાઓ પર વિસ્તૃત ચર્ચા થઈ હતી.
Share
રાજકોટમાં કડવા પાટીદાર સમાજની મળી મહત્વની બેઠક
સિદસર ઉમિયાધામના પ્રમુખના રાજીનામાને લઈ વિવાદ
રાજીનામા મુદ્દે પાટીદાર સમાજના 2 જૂથ આવ્યા સામ સામે
મનોજ પનારાના જૂથે જેરામ પટેલના રાજીનામાની કરી માગ
રાજકોટમાં સમાજની વ્યાપક બદનામીના મુખ્ય મુદ્દા સાથે પાટીદાર અગ્રણીઓએ સંમેલન યોજ્યું હતું. સંમેલનમાં મનોજ પનારા સાથે ભરત લાડાણી જેમની ઓડિયો ક્લિપ વાયરલ થઈ હતી. તેઓએ પણ ભાગ લીધો હતો.શહેરની આરવી સ્કૂલ ખાતે મહત્વની બેઠક મળી હતી. જેમાં મોરબીમાં ઝડપાયેલા નકલી ટોલનાકામાં સિદસરના ઉમિયાધામ પ્રમુખ જેરામ પટેલના પુત્ર અમરશીની સંડોવણી સહિતના મુદ્દાઓ પર ચર્ચા કરવામાં આવી હતી.
આજની બેઠકમાં આંદોલનના કાર્યક્રમ પર હાલ પુરતી રોક મુકવામાં આવી
રાજકોટમાં કડવા પાટીદાર સમાજની મહત્વની બેઠક મળી હતી. બેઠકમાં સમાજની બદનામી સહિતના મુદ્દાઓ પર વિસ્તૃત ચર્ચા થઈ હતી. ખાસ કરીને સિદસર સ્થિત ઉમિયાધામની બેઠક કે જે 6 જાન્યુઆરીના રોજ મળવાની છે. જેમાં પ્રમુખ પદેથી જેરામ પટેલ રાજીનામુ આપે તેવી ચર્ચા ચાલી રહી છે. જેને ધ્યાને લઈને આજની બેઠકમાં આંદોલનના કાર્યક્રમ પર હાલ પુરતી રોક મુકવામાં આવી છે. જો કે, રાજીનામુ નહીં આપે તો સૌરાષ્ટ્રભરના 22 તાલુકામાં બેઠક યોજાશે. સાથે જ જેરામ પટેલના રાજીનામાને સોશિયલ મીડિયા પર પોસ્ટ પણ કરવામાં આવશે. રાજીનામુ નહીં આપે તો આગામી દિવસોમાં ઉપવાસ આંદોલનની ચિમકી પણ ઉચ્ચારી હતી. જેરામ પટેલના કાર્યકાળના 13 વર્ષના હિસાબની પણ માંગ કરાશે.
લાલજી પટેલે જયરામ પટેલનું સમર્થન કરતા બે જૂથ સામ સામે આવી ગયા
સૌરાષ્ટ્રના સિદસર ઉમિયાધામના પ્રમુખના રાજીનામાનો વિવાદ વધુ વકર્યો છે. ઉમિયાધામના પ્રમુખ જેરામ પટેલના રાજીનામા મુદ્દે પાટીદાર સમાજના 2 જૂથ સામસામા આવી ગયા છે. મનોજ પનારા જૂથે જેરામ પટેલના રાજીનામાની માંગ કરી છે. SPGના પ્રમુખ લાલજી પટેલે જેરામ પટેલનુ સમર્થન કરી રાજીનામાની વાતને વખોડીને દીકરાની ભૂલ પિતા શા માટે ભોગવે તેવો સવાલ ઉઠાવી ગણતરીના લોકોનો વિરોધ ચાલી ન શકે તેવુ નિવેદન કરતા વિવાદ વધુ વકરે તેવા એંધાણ વર્તાઈ રહ્યા છે. જેરામ પટેલના દીકરાએ ભૂલ કરી છે પિતાએ નહીં તેમ જણાવી ગણતરીના લોકોનો વિરોધ ન ચાલી શકે તેવુ લાલજી પટેલે નિવેદન કરતાં બંને જૂથ સામસામા આવી ગયા છે.
