આરોગ્ય ટિપ્સ / જરૂરિયાતથી વધારે માત્રામાં પ્રોટીનનું સેવન સ્વાસ્થ્ય માટે ખતરનાક, ચેતી જજો, નહીં તો ગંભીર બીમારીમાં સપડાઇ જશો

• વધુ પ્રમાણમાં પ્રોટીનનું સેવન સ્વાસ્થ્ય માટે હાનિકારક
• એક દિવસમાં આટલાં જ પ્રોટીનનું સેવન કરવું જોઈએ 
• હાઇ પ્રોટીનનું સેવન કરતા લોકોને ડિહાઈડ્રેશનની સમસ્યા થઈ શકે

પ્રોટીન શરીર માટે જરૂરી અને ફાયદાકારક પોષક તત્વ છે. તમારા આહારમાં દરેક પ્રકારનાં પ્રોટીન અને મિનરલ્સ હોવા જ જોઈએ. નહીંતર શરીર બીમારીઓનું ઘર બની શકે છે.  ઘણી વાર લોકો આ વાતનાં ડરથી વધુ પ્રમાણમાં પ્રોટીનનું સેવન કરવા લાગે છે. જે સ્વાસ્થ્ય માટે હાનિકારક છે. શરીરનાં કોષોનાં નિર્માણ માટે પ્રોટીન ખૂબજ જરૂરી છે પણ પ્રોટીનનું વધુ પડતું સેવન સ્વાસ્થ્ય માટે નુકશાનકારક છે. 

આટલું પ્રોટીન એક દિવસમાં લો 
સ્વાસ્થ્ય નિષ્ણાંતો મુજબ દરેક વ્યક્તિનાં શરીરમાં પ્રોટીનનું પ્રમાણ અલગ-અલગ હોય છે. પુરુષોને દિવસમાં 56 ગ્રામ પ્રોટીન અને સ્ત્રીઓને 46 ગ્રામ પ્રોટીનની જરૂર હોય છે. 

વધુ પ્રમાણમાં પ્રોટીનના સેવનથી આ બીમારીઓ થઈ શકે 

હાઇડ્રેશનની સમસ્યા 
હાઇ પ્રોટીનનું સેવન કરતા લોકોને ડિહાઈડ્રેશનની સમસ્યા થઈ શકે છે. આવું એવા માટે થાય છે કારણકે પ્રોટીનને પાચન થતાં સમય લાગે છે. આ સાથે તે તમારા પાચન તંત્ર પર દબાણ કરે છે. 

થાક લાગે 
જો તમે જમવામાં પ્રોટીનની માત્રા વધારશો તો ફેટ અને કાર્બોહાઈડ્રેટનું પ્રમાણ ઓછું થઈ જશે. પ્રોટીનને પાચન થવાંમાં સમય લાગશે, જેના કારણે શરીરને તાત્કાલિક ઉર્જાની જરૂરિયાત પૂરી થશે નહીં. જેના કારણે તમને થાક લાગશે. 

ઝાડા થઈ શકે 
વધુ પ્રમાણમાં પ્રોટીનનું સેવન કરવાથી તમારું પાચન તંત્ર ખરાબ થઈ શકે છે. જેથી તમને ઝાડાની સમસ્યા પણ થઈ શકે છે. આ કારણે શરીરમાં પાણીનું પ્રમાણ પણ ઓછું થઈ જાય છે. 

વજન વધી શકે 
જો તમે વજન ઘટાડવા માટે પ્રોટીનનું સેવન કરતા હોય અને મસલ્સની એક્સરસાઇઝ નથી કરતાં તો એવામાં એકસ્ટ્રા પ્રોટીન શરીરમાં ફેટનાં રૂમમાં એક જગ્યાએ સંગ્રહ થઈ શકે છે. જેના કારણે વજન ઓછું થવાની જગ્યાએ વધવા લાગે છે.