સાવધાન / થોડો થોડો દારૂ પીવાથી શરીરમાં કંઈ નથી થતું એવો ભ્રમ હોય તો કાઢી નાંખજો: WHOએ આપી ચેતવણી

• દારૂ પીવાને કારણે આરોગ્યને ગંભીર નુકસાન
• વિશ્વ આરોગ્ય સંગઠને આપી ચેતવણી
• ઓછી માત્રામાં દારૂનું સેવન કરવાથી પણ કેન્સરનું જોખમ

દારૂ પીવાને કારણે આરોગ્યને ગંભીર નુકસાન થઈ શકે છે. વિશ્વ આરોગ્ય સંગઠન (WHO)ની લાંસેટ પત્રિકામાં પ્રકાશિત થયેલ એક નિવેદન પરથી આ બાબત સાબિત થઈ છે. રેડિએશન અને તમાકુની સાથે દારૂને ઉચ્ચ જોખમયુક્ત કેન્સર ફેક્ટર ‘કાર્સિનોજેન’ શ્રેણીમાં રાખવામા આવ્યું છે. જૈવિક તંત્રના માધ્યમથી કેન્સર થઈ શકે છે. શરીરમાં યૌગિક તૂટી જાય છે. દારૂનું ભલે કોઈપણ માત્રામાં સેવન કરો અથવા કોઈપણ ક્વોલિટીનું દારૂ હોય, કેન્સર થવાનું જોખમ રહે જ છે. 

WHOએ જણાવ્યું છે કે, એવી કોઈપણ સ્ટડી કરવામાં આવી નથી, જેની મદદથી જાણી શકાય કે, દારૂનું સેવન કરવાતી હ્રદયની બિમારી તથા ટાઈપ ટૂ ડાયાબિટીસની સરખામણીએ કેન્સર માટે વધુ જોખમી છે. વધુ માત્રામાં દારૂનું સેવન કરવાથી હ્રદયની બિમારી તથા ટાઈપ ટૂ ડાયાબિટીસનું જોખમ રહે છે. 

દારૂનું સેવન કરવાથી 7 પ્રકારના કેન્સરનું જોખમ

• ગળાનું કેન્સર
• લિવર કેન્સર
• કોલન કેન્સર
• મોઢાનું કેન્સર
• બ્રેસ્ટ કેન્સર
• એસોફેગસ કેન્સર
• બ્લડ કેન્સર

યૂરોપમાં સૌથી વધુ દારૂનો વપરાશ
WHOના નિવેદન અનુસાર યૂરોપમાં વર્ષ 2017 દરમિયાન કેન્સરના 23,000 નવા કેસ સામે આવ્યા હતા. જેમાંથી 50 ટકા લોકોએ 20 ગ્રામ કરતા પણ ઓછી માત્રામાં દારૂનું સેવન કર્યું હતું. તમને જણાવી દઈએ કે, યૂરોપમાં સૌથી વધુ દારૂનો વપરાશ કરવામાં આવી રહ્યો છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાંત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)