- રાજીવ ગાંધી હત્યાકાંડ મુદે કોંગ્રેસ લેશે એક્શન
- 6 ગુનેગારોની મુક્તિનાં વિરોધમાં પાર્ટી
- SCનાં આ નિર્ણયને કોંગ્રેસ પડકારશે
રાજીવ ગાંધીનાં હત્યારોની મુક્તિની સામે કોંગ્રેસ પાર્ટીએ અવાજ ઊઠાવ્યો છે. હવે પાર્ટી સુપ્રીમ કોર્ટનાં નિર્ણયને પડકારવાની તૈયારીમાં છે. પાર્ટી ટૂંક સમયમાં સુપ્રીમ કોર્ટેને પોતાના નિર્ણય પર પુન:વિચાર કરવા માટે અરજી દાખલ કરીશે. આ પહેલાં પણ કેન્દ્ર સરકારે સુપ્રીમ કોર્ટને પોતાના નિર્ણય પર પુન: વિચાર કરવા માટે વિનંતી કરતી અરજી લખી હતી. સુપ્રીમ કોર્ટે જ રાજીવ ગાંધી હત્યાકાંડમાં દોષી સાબિત થયેલા 6 લોકોને મુક્ત કરવાનો આદેશ આપ્યો હતો.
કેન્દ્ર સરકારે પણ કોર્ટને કરી હતી અરજી
કેન્દ્રએ પોતાની અરજીમાં લખ્યું કે કેન્દ્ર સરકારને પોતાની વાત કહેવાનો યોગ્ય અવસર આપ્યાં વિના દોષિતોની મુક્તિનો નિર્ણય લેવામાં આવ્યો છે. કેન્દ્રએ કહ્યું કે સુનાવણી દરમિયાન પ્રક્રિયાત્મક ચૂક રહી છે જેના કારણે આ કેસમાં કેન્દ્ર સરકારની ભાગેદારી ના બરાબર છે. કેન્દ્રએ તેને 'ન્યાય આપવામાં વિફળતા' કહ્યું છે.
સુપ્રીમ કોર્ટએ આપ્યો હતો આદેશ
સુપ્રીમ કોર્ટે ગયાં અઠવાડિયે આ 6 ગુનેગારોને મુક્તિ આપવાનો નિર્ણય જાહેર કર્યો હતો. આ ગુનેગારો પૂર્વ પ્રધાનમંત્રી રાજીવ ગાંધીનાં હત્યાકાંડનાં કેસમાં ઉંમરકેદની સજા ભોગવી રહ્યાં હતાં. રાજીવને 1991માં તમીલનાડુનાં શ્રીપેરૂમબુદુમાં એક ચૂંટણીની રેલીમાં બોમ્બથી ઊડાડી દેવામાં આવ્યાં હતાં જેમાં તેમનું મૃત્યુ થયું હતું.
જેલમાં 30 વર્ષથી વધુ સમય કાઢ્યો
કોર્ટે માન્યું હતું તે ગુનેગારોએ 30 વર્ષથી પણ વધારે સમય જેલમાં વિતાવ્યો છે અને સજા દરમિયાન તેમનું વર્તન પણ યોગ્ય રહ્યું છે. આ કેસમાં સુપ્રીમ કોર્ટે અન્ય દોષી એ.જી.પેરારિવલનને તો પહેલાં જ મુક્તિ આપી હતી. તે પણ પહેલા ઉંમર કેદની સજા ભોગવી રહ્યાં હતાં. સોનિયા ગાંધી અને પ્રિયંકા ગાંધીએ પણ ગુનેગારો પ્રતિ નરમ અભિગમ રાખ્યો હતો જેના કારણે તેમની મુક્તિને વધુ બળ મળ્યું હતું. જો કે કેન્દ્ર સરકારની સાથે કોંગ્રેસ પાર્ટીએ પણ ગુનેગારોની મુક્તિનાં વિરોધમાં છે.
