BIG NEWS / ગુજરાત કોંગ્રેસમાં ગમે તે સમયે મોટા ફેરબદલના એંધાણ: દિગ્ગજોના કપાશે પત્તાં, આ નેતાને મળી શકે છે જવાબદારી

 

• ગુજરાત કોંગ્રેસમાં નવા-જૂનીના એંધાણ
• ગુજરાત કોંગ્રેસના કોણ હશે નવા અધ્યક્ષ?
• પ્રદેશ અધ્યક્ષ અને પ્રભારીના નામ પર ચર્ચા

ગુજરાત કોંગ્રેસ સાથે જોડાયેલા સૌથી મોટા સમાચાર સામે આવ્યા છે. એવું કહેવામાં આવી રહ્યું છે કે કોંગ્રેસ હાઈકમાન્ડ ગુજરાતમાં પ્રદેશ અધ્યક્ષ અને પ્રભારી બદલવા જઈ રહ્યું છે. હાઈકમાન્ડ ગમે તે ઘડીએ કોંગ્રેસના પ્રદેશ પ્રમુખ અને પ્રભારીને બદલાવશે. કર્ણાટક વિધાનસભાની ચૂંટણીમાં કોંગ્રેસે શાનદાર પ્રદર્શન કર્યું છે. કર્ણાટક કોંગ્રેસની સરકાર બન્યા બાદ હવે કોંગ્રેસ હાઇકમાન્ડ એક્શનમાં આવ્યું છે. 

પરેશ ધાનાણીનું નામ સૌથી આગળ
OBC નેતા વિપક્ષ બનતા કોંગ્રેસ હાઇકમાન્ડ પાટીદાર ચહેરાને પ્રદેશ અધ્યક્ષ બનાવે તેવી સંભાવના દેખાઈ રહી છે. ગુજરાત કોંગ્રેસના પ્રદેશ અધ્યક્ષની રેસમાં પરેશ ધાનાણીનું નામ સૌથી આગળ ચાલી રહ્યું છે.  સિનિયરને પ્રમુખ પદની જવાબદારી અપાઈ તો અર્જુન મોઢવાડીયા અથવા શક્તિસિંહ ગોહિલ પણ પ્રમુખ બની શકે છે. 

દિપક બાબારીયા સહિત આ નામો પણ ચર્ચામાં
આ ઉપરાંત એવી પણ ચર્ચા ચાલી રહી છે કે હાઇકમાન્ડ કોઈ નવા ચહેરાને પ્રદેશ અધ્યક્ષ પદની જવાબદારી સોંપી શકે છે. ગુજરાત પ્રદેશ કોંગ્રેસ પ્રમુખ તરીકે નવા ચેહરામાં 3 નામોની ચર્ચા ચાલી રહી છે. દિપક બાબરીયા, લાલજી દેસાઈ અને ડો. જીતુ પટેલના નામને લઈને ચર્ચા ચાલી રહી છે. દિપક બાબરીયા સંગઠનના અનુભવી અને હાઇકમાન્ડના નજીકના વ્યક્તિ ગણાય છે.
બાબરીયાને કર્ણાટકમાં બહુમતી મળ્યા બાદ મહત્વની જવાબદારી સોંપવામાં આવી હતી. કર્ણાટકમાં મુખ્‍યમંત્રીનું કોકડુ ઉકેલવા કોંગ્રેસે દિપક બાબરીયાને જવાબદારી સોંપી હતી.

પરેશ ધાનાણીને અધ્યક્ષ બનાવવા માટેના કારણો 
1. પાટીદાર યુવા ચેહરો 
2. સૌરાષ્ટ્ર અને સુરત પર પ્રભુત્વ 
3. સૌરાષ્ટ્ર અને સુરત પર પ્રભુત્વને કારણે AAP પાર્ટી સામે મજબૂત ચેહરો 
4. ખોડલધામ સાથે સારા સબંધો 
5. આમ આદમી પાર્ટીમાં પાટીદાર યુથ ગત ચૂંટણીમાં મોટી સંખ્યામાં જોડાયું 
6. પાટીદાર વોટ બેન્ક અને AAPમાં ગયેલ વોટબેંક પરત લાવવાનો પણ ધાનાણી સારો વિકલ્પ

મોઢવાડિયાના પ્રમુખ બનવાના કારણો 
1. કોંગ્રેસના સિનિયર લીડર 
2. ભૂતકાળમાં પ્રદેશ અધ્યક્ષ અને નેતા વિપક્ષ રહી ચુક્યા છે 
3. સંગઠનનો બહોળો અનુભવ 
4. વિધાનસભાની ચૂંટણીમાં પોતાની સીટ બચાવવા સફળ રહ્યા 
5. કોંગ્રેસના સૌરાષ્ટ્રના ઓબીસી ચેહરાની છબી 

શક્તિસિંહ ગોહિલના પ્રમુખ બનવાના કારણો 
1. કોંગ્રેસના રાજ્યસભાના સંસદ 
2. કોંગ્રેસ હાઇકમાન્ડ સાથે નિકટના સબંધ 
3. સંગઠન ઉપર સારી પકડ 
4. કોંગ્રેસના ધારદાર વક્તા 
5. કોંગ્રેસની સરકારમાં માજી મંત્રી અને નેતા વિપક્ષ પણ રહી ચુક્યા છે 
6. 2 રાજ્યોના પ્રભારી અને સફળ રાજકીય રણનીતિકાર છે શક્તિસિંહ ગોહિલ, 34 વર્ષથી રાજકારણમાં છે

દિપક બાબરીયાના પ્રમુખ બનાવના કારણો 
1. સંગઠનનો મોટો અનુભવ 
2. મધ્યપદેશમાં પ્રભારી તરીકેની નિભાવી ચુક્યા છે જવાબદારી 
3. દીપક બાબરીયા ગાંધી પરિવારના ખાસ નજીકના નેતા ગણાય છે
4. બાબરીયા કોંગ્રેસ હાઈકમાન્ડના નજીકના વ્યક્તિ 
5. કર્ણાટકમાં મુખ્‍યમંત્રીનું કોકડુ ઉકેલવા કોંગ્રેસે ગુજરાતના દિપક બાબરીયાને જવાબદારી સોંપી હતી 
6. મધ્ય પ્રદેશમાં કોંગ્રેસની સરકાર બની કમલનાથ CM બન્યા ત્યારે બાબરીયા હતા પ્રભારી

લાલજી દેસાઈના પ્રમુખ બનવાના કારણો 
1. ગુજરાત કોંગ્રેસના ઓબીસી સમાજના નેતા 
2. રાષ્ટ્રીય રાજનીતિમાં કોંગ્રેસના કાર્યકર 
3. કોંગ્રેસ સેવાદળના રાષ્ટ્રીય અધ્યક્ષ 
4. ભારત જોડો યાત્રા વખતે લાલજી દેસાઈની મહત્વની ભૂમિકા