Election 2024 / જૂનાગઢ સીટના ઉમેદવારનું કોકડું ગૂંચવાયું, શક્તિસિંહ ગોહિલ સાથેની બેઠક બાદ નામ પર લાગશે મહોર

જૂનાગઢ લોકસભા બેઠક પર કોંગ્રેસના ઉમેદવારને લઈને કોકડું ગુંચાવાયું છે. ત્યારે અમદાવાદ કોંગ્રેસ કાર્યાલય ખાતે જૂનાગઢ લોકસભા બેઠકને લઈ મિટિંગ મળી છે. બેઠકમાં જૂનાગઢ કોંગ્રેસના તમામ હોદેદારો હાજર રહ્યા છે. બેઠકમાં સંભવિત ઉમેદવાર હીરા જોટવા, પૂજા વંશ અને ભીખા જોશી હાજર રહ્યાં હતા.

કોંગ્રેસના ઉમેદવારોની બેઠક
અત્રે જણાવીએ કે, કોંગ્રેસના લોકસભાના 17 ઉમેદવારોને લઈ પણ બેઠક મળી હતી. જેમાં પ્રદેશ પ્રભારી મુકુલ વાસનિક, પ્રદેશ પ્રમુખ ઉપસ્થિત રહ્યાં હતાં. ઉમેદવારોને જરૂરી દસ્તાવેજો સાથેની કોપી આપવામાં આવી હતી. જેમાં પ્રદેશ પ્રમુખ શક્તિસિંહ ગોહિલે ઉમેદવારોને માર્ગદર્શન આપ્યુ હતું.  ચૂંટણીમાં જરૂરી દસ્તાવેજો તૈયાર રાખવા પણ સૂચના આપી હતી. મામલતદાર કચેરીથી ચૂંટણી લડવાનું પ્રમાણપત્ર મેળવવા પણ સૂચના આપી છે

વાંચવા જેવું: માફી બાદ પણ ક્ષત્રિય સમાજનો વિરોધ યથાવત, પરશોતમ રૂપાલા વિરૂદ્ધ ફરિયાદ નોંધાવવાની માગ

કોંગ્રેસે આ સૂચના આપી ?   
ઉમેદવાર સામે ફરિયાદ નોંધાઈ હોય તો પ્રદેશમાં જાણ કરવા સૂચના આપી છે, સાથો સાથ દરેક બેઠકમાં ઉમેદવારના 2 સાથીદારોની નિમણૂક કરાશે અને ફોર્મ ભરતી વખતે કોંગ્રેસની લીગલ ટીમ ઉમેદવારોની સાથે રહેશે. આચાર સહિતા ભંગની ફરિયાદ લીગલ ટીમ સાથે રહીને નોંધાવાની રહેશે. પ્રચાર-પ્રસાર માટે રાષ્ટ્રીય નેતાની જરૂરિયાત અંગે પ્રદેશ કાર્યાલય જાણ કરવાની પણ આ બેઠકમાં સૂચના આફવામાં આવી છે. ડમી ઉમેદવારના ફોર્મની વિગતો પ્રદેશ કાર્યાલય આપવાની અને ચૂંટણી લક્ષી બેન્ક એકાઉન્ટની વિગતો પણ ઉમેદવારે આપવાની રહેશે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો