હવે OLXના માધ્યમથી છેતરપિંડી આચરવાની ઘટનાઓ સાયબર ક્રાઈમના ધ્યાને આવી, OLXના નામે છેતરપિંડી આચરવાના રાજ્યમાં 26 ગુના દાખલ કરાયા છે
Share
OLXના નામે નકલી વેબ સાઈટ પર છેતરાતા લોકો
સાયબર ક્રાઈમે ફરિયાદ આધારે કરી તાબડતોબ કાર્યવાહી
8 હજાર 462 જેટલી સાઈટ્સ OLXના નામે ખોટી મળી આવી
સાયબરના ગુનાઓનું પ્રમાણ ગુજરાતમાં દિવસેને દિવસે વ્યાપક બની રહ્યું છે. લોકોને છેતરવા માટે અલગ-અલગ પેતરા અપનાવવામાં આવી રહ્યાં છે ત્યારે હવે OLXના માધ્યમથી છેતરપિંડી આચરવાની ઘટનાઓ સાયબર ક્રાઈમના ધ્યાને આવી છે. OLXના નામે છેતરપિંડી આચરવાના રાજ્યમાં 26 ગુના દાખલ કરાયા છે. ગુનેગારોને શોધવા સાયબર ક્રાઈમ સક્રિય બન્યું છે. કેટલીક વેબસાઇટો પર ખોટી અને લોભામણી જાહેરાતો આપીને લોકોને છેતરવા માટે કારસો રચી રહ્યાં છે. OLX કંપનીના ભળતાં નામે બનાવાતી હોવાનું સાયબર ક્રાઈમને ધ્યાને આવ્યું છે.
રાજ્યના અલગ-અલગ વિસ્તારમાંથી અલગ-અલગ પ્રકારની કુલ 952 જેટલી છેતરપિંડી OLXના નામે થઈ હોવાની ફરિયાદો આવી છે. તેવા સંજોગોમાં 8 હજાર 462 જેટલી સાઈટ્સ OLXના નામે ખોટી મળી આવી છે, જેને સાયબર સેલ દ્વારા બંધ કરાવી છે. આર્થિક નુક્સાનીનો સામનો ન કરવો પડે તેવા સંજોગોમાં સતર્કતા જરૂરી છે. ટેક્નોલોજીના આ યુગમાં ઓનલાઈન ખરીદી કરતી વખતે સાવધાની રાખવી જોઈએ.
આવી ખોટી તથા લોભામણી સાઈટ્સ OLX કંપનીના ભળતાં નામે બનાવાતી હોવાનું સાયબર ક્રાઈમને ધ્યાને આવ્યું છે. રાજ્યના અલગ-અલગ વિસ્તારમાંથી અલગ-અલગ પ્રકારની કુલ 952 જેટલી છેતરપીંડી OLXના નામે થઈ હોવાની ફરિયાદો આવી છે. જો કે આ અંગે જ્યારે સાયબર સેલ દ્વારા તપાસનો દોર હાથ ધરવામાં આવ્યો તેવા સંજોગોમાં 8,462 જેટલી સાઈટ્સ ખોટી મળી આવી હતી. જેને સાયબર સેલ દ્વારા બંધ કરાવાઈ છે. બીજી તરફ અળગ-અલગ એવી 26 ઘટનાઓમાં સાયબર ક્રાઈમ દ્વારા ગુના નોંધી અને ઈ-ચાંચિયાઓ સુધી પહોંચવા માટે તપાસ તેજ કરી છે.
આ પ્રકારની ઘટનાઓમાં ભોગ બની અને આર્થિક નુક્સાનીનો સામનો ન કરવો પડે તેવા સંજોગોમાં અનેકગણી સતર્કતા રાખવી જરૂરી બની જાય છે. સાયબર નિષ્ણાતો પણ અનેકવાર સુચનો કરતાં હોય છે કે ઓનલાઈન ખરીદી કરતી વખતે કેવા પ્રકારની તકેદારી રાખવી જોઈએ ? સાથે જ ચૂકવણી કરતી વખતે પણ કેવી બાબતોને ધ્યાને લેવી જોઈએ ?
ઓનલાઈન ખરીદી વખતે સસ્તાં ભાવે સારું મેળવાની લ્હાયમાં લોકો એવી ભૂલ કરી બેસતાં હોય છે કે, જેના કારણે આજીવન પસ્તાવો કરવાનો વારી આવી ચડે છે અને આર્થિક નુક્સાનીનો ભોગ બનવું પડે છે. ત્યારે સતર્કતા એ જ સાચી સમજદારીના સુત્ર અનુસરી અને ટેક્નોલોજીના આ યુગમાં ઓનલાઈન ખરીદી કરતી વખતે સાવધાની રાખવી જોઈએ.
