બ્રેકિંગ ન્યુઝ
IFFCO ડિરેક્ટરની ચૂંટણીમાં જયેશ રાદડિયાનો વિજય, બિપિન પટેલની હાર
સુરતમાં આવકવેરા વિભાગના દરોડા, એશ્વર્યા ગ્રુપ પર IT વિભાગની કાર્યવાહી
લોકસભા ચૂંટણી 2024: દાહોદ લોકસભા બેઠક પર મતદાનમાં બુથ કેપ્ચરીંગ મામલે ચૂંટણી પંચ દ્વારા મહત્વનો નિર્ણય, 11 મે નાં રોજ રી પોલ કરવા આદેશ આપ્યો
ધોરણ 10 બોર્ડની પરીક્ષાનું પરિણામ 11મેએ જાહેર થશે
કચ્છમાં ભુકંપનો આંચકો અનુભવાયો
ધોરણ-12 વિજ્ઞાન પ્રવાહનું 82.45% પરિણામ
ધોરણ-12 સામાન્ય પ્રવાહનું 91.93% પરિણામ
આજે ઈફ્કોના ડિરેક્ટર માટે યોજાશે ચૂંટણી
ગાંધીનગર ન્યૂઝ: ધોરણ 12ના વિદ્યાર્થીઓ માટે મહત્વના સમાચાર
મહીસાગરમાં બૂથ કેપ્ચરિંગનો કેસ: પ્રિસાઇડિંગ ઓફિસરોને શો-કોઝ નોટિસ, પ્રિસાઈડિંગ ઓફિસર કાનાભાઈ રોહિત, આસી.પ્રિસાઈડિંગ ઓફિસર ભુપતસિંહ પરમાર, પોલીંગ ઓફિસર યોગેશ સોળ્યાને શો-કોઝ નોટિસ, પોલીંગ ઓફિસર મયુરીકાબેન પટેલને પણ નોટિસ ફટકારી જવાબ માંગ્યો, મહીસાગર ચૂંટણી અધિકારીએ તમામ પાસેથી જવાબ માગ્યો
Khyati
Last Updated: 11:21 AM, 24 March 2022
મોંઘવારીનો માર સામાન્ય જનતા પર ભૂંડી રીતે અસર વર્તાવી રહ્યો છે. દૂધ, ચા, કોફી અને મેગી બાદ રોજીંદી વસ્તુઓના ભાવ પણ વધવા લાગ્યા છે. ગ્રાહકોને હવે દૈનિક વપરાશમાં લેવાતી વસ્તુઓ માટે ખિસ્સા વધારે ઢીલા કરવા પડી શકે છે. ઘઉં, પામોલિન ઓયલ અને પેકેજીંગ ફુડ સહિતના સામાનના ભાવમાં ઉછાળાથી એફએમસીજી કંપનીઓએ પોતાના ઉત્પાદનની કિંમતોમાં વધારો કરી રહી છે. આટલુ ઓછુ હોય તેમ પેટ્રોલના ભાવ તો ઘટવાનું નામ જ નથી લેતા. રોજબરોજ પેટ્રોલના ભાવ બિલ્લી પગે વધી રહ્યા છે ત્યારે હવે વધુ એક ફટકો વાહનચાલકોને પડશે. કારણ કે સીએનજી ગેસના ભાવમાં પણ વધારો ઝીંકાયો છે.
અદાણી દ્વારા CNGના ભાવમાં વધારો
પેટ્રોલ ડીઝલના ભાવ વધતા જે લોકો સીએનજીનો વપરાશ કરતા હતા તેઓને થોડી રાહત હતી. કારણ કે પેટ્રોલની સરખામણીએ સીએનજીના ભાવ ઓછા હતા. પરંતુ આ રાહત પણ બહુ ન રહી. આખરે સીએનજીભાવમાં પણ વધારો થઇ ગયો. અદાણી ગેસ દ્વારા સીએનજી ભાવમાં વધારો કરવામાં આવ્યો છે. પહેલા એક કિલોનો ભાવ 73.09 પ્રતિ કિલો હતો જે હવે વધીને 74.59 પ્રતિ કિલો થયો છે.
ગુજરાત ગેસે પણ ભાવ વધાર્યો
ગુજરાત ગેસ દ્વારા સીએનજી ગેસના ભાવમાં રૂપિયા 3નો વધારો કરવામાં આવ્યો છે. એટલે હવે પ્રતિ કિલો ગેસનો ભાવ જે 67.53 હતો તે વધીને
70.53 રૂપિયા થઇ ગયો છે. આવામાં હવે સ્કૂલ વાન ચાલકો મુશ્કેલીમાં મુકાયા છે. કોરોનાને કારણે અઢી વર્ષથી શાળા બંધ હતી . ધંધો હતો નહી અને હવે શાળા શરુ થઇ તો સીએનજીના ભાવ વધી ગયા. વાલીઓ પણ વધારે ભાડાને કારણે વાનમાં વિદ્યાર્થીઓને મોકલતા અચકાય છે. આવક ઓછી અને ખર્ચા વધારે હોવાથી ઘરનું પણ કેવી રીતે પુરુ કરવું ?
ગૃહિણીઓને ફટકો
ગુજરાત ગેસ દ્વારા પીએનજી ગેસના ભાવમાં પણ વધારો કરવામાં આવ્યો છે. પ્રતિ યુનિટ 4 રૂપિયાનો ધરખમ વધારો ઝીંકી દેવાયો છે. એક તરફ ગૃહિણીઓની ફરિયાદ છે કે રાંધણગેસમાં સબસીડી મળતી નથી તો બીજી તરફ પીએનજીના ભાવમાં દિવસ જાય તેમ વધારો થઇ રહ્યો છે. આવી મોંઘવારીમાં ઘર કેવી રીતે ચલાવવુ તેના ફાંફા પડી રહ્યા છે. રસોડાની દરેક વસ્તુઓ મોંઘી થઇ ગઇ છે તેમાં પણ વળી બાળકોની ફી, શાળાની વાનનું ભાડુ. આ તમામના ભાવ આસમાને પહોંચતા સામાન્ય નાગરિકે ઘર કેવી રીતે ચલાવવું તે પ્રશ્ન સતાવી રહ્યો છે.
પેટ્રોલ-ડીઝલના ભાવમાં વધારો
એક તરફ પેટ્રોલ અને ડીઝલમાં પણ બિલ્લી પગે ભાવ વધારો નોંધાઇ રહ્યો છે. છેલ્લા બે દિવસથી પેટ્રેલ અને ડીઝલના ભાવમાં વધારો થઇ રહ્યો છે. છેલ્લા ભાવ વધારાની વાત કરીએ તો પેટ્રોલમાં 80 પૈસા જ્યારે ડીઝલમાં 82 પૈસાનો વધારો ઝીંકાયો હતો. જે સાથે પેટ્રોલનો નવો ભાવ 96.67 અને ડીઝલનો ભાવ 90.73 રૂપિયા પ્રતિ લિટર થઇ ગયો છે. એટલે કે પેટ્રોલ અને ડીઝલના ભાવમાં વધુ અંતર રહ્યું નથી. એક તરફ લોકોની આવક ઘટી રહી છે તો બીજી તરફ પેટ્રોલ ડીઝલના ભાવ વધતા જરુરી તમામ ચીજવસ્તુઓના ભાવ આસમાને પહોંચ્યા છે.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ચૂંટણી અપડેટ્સ / મતદાન બાદ નીતિન પટેલે કર્યો મોટો દાવો
પ્રચાર
ટોપ સ્ટોરીઝ