મોટો નિર્ણય / કોરોનાથી જોડાયેલા તમામ પ્રતિબંધો હટાવવાનો આ પાડોશી રાજ્યની સરકારે કર્યો મોટો આદેશ

• મધ્યપ્રદેશમાં કોરોનાના બધા પ્રતિબંધો હટાવામાં આવ્યા
• મુખ્યમંત્રી શિવરાજસિંહ દ્વje પ્રતિબંધો હટાવામાં આવ્યા 
• હવે રાજ્યના એક પણ શહેરમાં કર્ફયું નહી લાગે 

મધ્યપ્રદેશમાં હવે શિવરાજ સિંહની સરકાર દ્વારા કોરોનાના પ્રતિબંધો હટાવાની વાત કરવામાં આવી છે. જેમા આ મામલે મુખ્યમંત્રી દ્વારાજ ટ્વીટ કરીને માહિતી આપવામાં આવી છે. શિવરાજ સિંહ ચૌહાણે સ્વાસ્થ્ય મંત્રી પ્રભુરામ ચૌધરી તેમજ વરિષ્ઠ અધિકારીઓ સાથે વીડિયો કોન્ફરન્સ દ્વારા કોરોના પરિસ્થિતીની સમીક્ષા કરી અને ત્યારબાદ તેમણે આ નિર્ણય લીધો છે. 

વેક્સિન લગાવા લોકોને અપીલ 

સમગ્ર મામલે મુખ્યમંત્રી શિવરાજસિંહ ચૌહાણે શરતોની સાથે પ્રતિબંધો હટાવ્યા છે. જેમા પ્રશાસન અને ગૃહ વિભાગ દ્વારા હવે ટૂક સમયમાં જાહેરાત કરવામાં આવશે. મુખ્યમંત્રીએ હવે વેક્સિનેશન પર ભાર આપવા કહ્યું છે. સાથેજ લોકો વેક્સિનના બંને ડોઝ લગાવે તેવી તેમણે અપીલ કરી છે. 

મુખ્યમંત્રીની અપીલ લોકોએ માની 

મધ્યપ્રદેશમાં વેક્સિનેશન અભિયાન હાલ પૂરજોશમાં ચાલી રહ્યું છે. જેમા મુખ્યમંત્રી દ્વારા જે અપીલ કરવામાં આવી રહી હતી તે લોકોએ માની છે. આજે બપોરના એક વાગ્યા સુધીમાંજ રાજ્યમાં 6 લાખ 53 હજાર કરતા પણ વધું વેક્સિનના ડોઝ આપવામાં આવ્યા છે. અત્યાર સુધીમાં સમગ્ર રાજ્યમાં 7 કરોડ 66 લાખ 49 હજાર જેટલા વેક્સિનના ડોઝ આપવામાં આવ્યા છે. 

સ્વાસ્થ્યમંત્રીએ કર્યું નિરિક્ષણ 

સ્વાસ્થ્ય મંત્રી પ્રભુરામ ચૌધરીએ વેક્સિનેશન અભિયાનનું નિરિક્ષણ કર્યું હતું . જે નિરિક્ષણ બાદ રાજ્યમાં વેક્સિનેશન વધરાવા પણ જણાવ્યું જેથી જલ્દીથી 100 ટકા લોકોનું વેક્સિનેશન થઈ શકે અને કોરોના સંક્રમણને કાબૂમાં રાખી શકાય.

રાજ્યમાં ક્યાય પણ કર્ફ્યું નહી લાગે 

ઉલ્લેખનીય છે પ્રતિબંધો હટ્યા બાદ હવે વિવાહ સમારોહની સંખ્યામાં બંધન નહી. જે લોકોએ વેક્સિનના બંને ડોઝ લીધા છે તેવા લોકો મેળામાં સ્ટોલ પણ લગાવી શકશે, સિનેંમાં ઘરોમાં પણ જે લોકોએ વેક્સિના બંને ડોઝ લીધા હશે તેમને પ્રવેશ મળશે સાથેજ હવે રાજ્યમાં ક્યાય પણ કર્ફ્યુ નહી લાગે