- 28 ઓક્ટોબરથી શરૂ થયો છઠનો તહેવાર
- આ દિવસે મહિલાઓ નાક સુધી લગાવે છે સિંદૂર
- જાણો તેના પાછળની માન્યતાઓ વિશે
છઠ વ્રતને સૌથી અઘરા ઉપવાસ માનવામાં આવે છે. આ દિવસે ઉગતા અને આતમતા સૂર્યને અર્ઘ્ય આપવાનો નિયમ છે. 4 દિવસના આ તહેવારનો આજે બીજો દિવસ છે. ત્રીજા દિવસે સાંજે અસ્ત થતા સૂર્યને અર્ઘ્ય ચઢાવવામાં આવે છે. આ દિવસે મહિલાઓ પોતાના સંતાન અને સુહાગની લાંબી ઉંમર માટે 36 કલાકનું નિર્જળા વ્રત કરે છે.
આ તહેવાર મુખ્યત્વે પૂર્વ ઉત્તર પ્રદેશ અને બિહારમાં ઉજવવામાં આવે છે. છઠ પર્વના અંતે ઉગતા સૂર્યદેવને અર્ઘ્ય અર્પણ કરીને ઉપવાસ તોડવામાં આવે છે. આ દિવસે મહિલાઓ નાકથી માંગમાં સિંદૂર ભરે છે અને કેસરી રંગનું સિંદૂર લગાવવામાં આવે છે. આવો જાણીએ તેની પાછળનું કારણ.
આ કારણે લગાવે છે નાક સુધી સિંદૂર
હિંદુ ધર્મમાં મહિલાઓના 16 શણગારમાંથી એક સિંદૂર પણ છે. સિંદૂરને સુહાગની નિશાની માનવામાં આવે છે. છઠના દિવસે મહિલાઓ નાકથી લઈને માંગ સુધી સિંદૂર લગાવે છે. એવું માનવામાં આવે છે કે આ સિંદૂર જેટલું લાંબુ હોય છે તેટલું જ પતિનું આયુષ્ય લાંબું રહે છે. લાંબુ સિંદૂર પતિની ઉંમર સાથે પરિવારમાં સુખ અને સમૃદ્ધિ લાવે છે.
આ દિવસે લાંબુ સિંદૂર લગાવવાથી પરિવારમાં ખુશીઓ આવે છે. છઠના તહેવાર પર મહિલાઓ સૂર્ય ભગવાનની પૂજા કરીને અને છઠ્ઠી મૈયાની પૂજા કરીને વ્રત પૂર્ણ કરે છે, તેમજ પતિના લાંબા આયુષ્ય, સંતાન સુખ અને પરિવારમાં સમૃદ્ધિની પ્રાર્થના કરે છે.
આ માટે લગાવવામાં આવે છે નારંગી સિંદૂર
જ્યોતિષ શાસ્ત્ર અનુસાર છઠના તહેવાર પર મહિલાઓ માંગમાં કેસરી રંગનું સિંદૂર ભરે છે. કહેવાય છે કે આ દિવસે નારંગી સિંદૂર ભરવાથી પતિના લાંબા આયુષ્યની સાથે વેપારમાં પણ વધારો થાય છે. તેમને દરેક માર્ગમાં સફળતા મળે છે.આટલું જ નહીં દામ્પત્ય જીવન સુખી રહે છે. સાથે જ કેસરી રંગ હનુમાનજીનો પણ શુભ રંગ છે.
છઠ પૂજાની કથા
મહાભારત કાળમાં પાંડવોના રાજપાઠ ગુમાવ્યા બાદ દ્રૌપદીએ છઠનું વ્રત કર્યું હતું અને દ્રૌપદીના ઉપવાસથી પ્રસન્ન થઈને ષષ્ટિ દેવીએ પાંડવોને તેમનો રાજમહેલ પાછો અપાવી દીધો હતો. ત્યારથી જ ઘરોમાં સુખ અને સમૃદ્ધિ માટે છઠ વ્રત રાખવાની પ્રથા છે.
પૌરાણિક કથા અનુસાર મહાભારત કાળમાં સૂર્ય પુત્ર કર્ણએ જ સૌથી પહેલા સૂર્ય દેવની પૂજા કરી હતી અને કલાકો સુધી પાણીમાં ઉભા રહીને સૂર્ય દેવને આર્દ્ય આપે છે.
