તમારા કામનુ / ફોનની બેટરી કેટલા ટકા કરવી જોઈએ ચાર્જ? 99% લોકો કરે છે આ ભૂલ, મોબાઈલ અને બેટરી બંનેનું આયુષ્ય વધશે

• ફોનની બેટરી સાચવવા માટે યોગ્ય સમય ચાર્જ કરો
• ફોનની બેટરી સારી રાખવા માટે 80 ટકા જ ચાર્જ કરો
• 20 ટકા બેટરી હોય ત્યારે ફોન ચાર્જમાં મૂકી દેવો

ફોન એક પોર્ટેબલ ગેજેટ છે એટલે તેને બેટરી લાગેલી છે. ફોનને લાંબા સમય સુધી ઉપયોગ કરવા માટે તેની બેટરી ચાર્જ હોવી ખૂબ જરૂરી છે. કારણ કે, મોબાઈલથી આજે નાના મોટા અનેક પ્રકારના કામ થઈ જાય છે. જો આપણે ઘરની બહાર હોઈએ અને અચાનક મોબાઈલ બેટરી ડાઉન થઈ જાય કે, ખરાબ થઈ જાય તો એ મોટી મુશ્કેલી ઉભી કરી શકે છે. જેને લઈ અમે તમને કેટલીક ખાસ વાત જણાવીએ. 

ફોનમાં કેટલા ટકા બેટરી હોય ત્યારે ચાર્જમાં મુકવો ?
આજકાલ લગભગ દરેકના હાથમાં મોબાઈલ જોવા મળે છે. કારણ કે, ફોન એ આપણા અનેક કામ સરળ કરી દીધા છે. પરંતુ તે ફોનને ચલાવવા માટે બેટરીની ખાસ જરૂર પડે છે. જેને લઈ તેનો ખાસ ધ્યાન રાખવું પણ જરૂરી છે. પરંતુ ઘણાં લોકોને આ બાબતની જાણકારી હોતી નથી.  ફોનમાં કેટલા ટકા બેટરી હોય ત્યારે ચાર્જમાં મુકવાનો હોય છે. આ જાણકારી તમને સામાન્ય લાગશે પરંતુ ઘણા લોકો ન જાણતા હોવાથી ઘણીવાર ભૂલો કરે છે. મોટાભાગના લોકો એવું માને છે કે જ્યારે ફોન ચાર્જિંગમાં લગાવો ત્યારે 100 ટકા સુધી ચાર્જ કરો જેથી બેટરી જલદી ખતમ ન થાય અને ઘણા લોકો ફોનને ચાર્જિંગમાં ત્યારે જ મૂકે છે જ્યારે બેટરી 15 ટકા કે તેનાથી ઓછી થઈ ગઈ હોય ત્યારે પરંતુ તે ખોટી બાબત છે.

ફોન ચાર્જિંગમાં લગાવો ત્યારે 100 ટકા સુધી ચાર્જ ન કરો
જાણકારોનું માનવું છે કે, પહેલાની એસિડ બેટરીની જેમ વ્યક્તિઓને ચાર્જિંગ માટે ફોનની બેટરી સંપૂર્ણપણે ખાલી થવાની રાહ ન જોવી જોઈએ. જ્યારે આમ કરવાથી આધુનિક સમયની લિથિયમ આર્યન બેટરીને ખરાબ થઈ શકે છે. ફોન કેટલા ટકા બેચરી પર ચાર્જ કરવો જોઈએ? જાણકારોના મતે ફોનની બેટરીને સારી રાખવા માટે જ્યારે લગભગ 20 ટકા બેટરી હોય ત્યારે ચાર્જમાં મુકી દેવો જોઈએ અને તેને 80-90 ટકા સુધી જ ચાર્જ કરવો જોઈએ. જો તમે ફાસ્ટ ચાર્જિગનો ઉપયોગ કરો છો તો 80થી90 ટકા બેટરી ચાર્જ થાય ત્યારે મોબાઈલને ચાર્જમાંથી નીકાળી દો. કેમ કે, 0 ટકા ચાર્જ કરવાથી મોબાઈલમાં ગરમી વધશે તેમડ 80 ટકા ઉપર ફાસ્ટ ચાર્જિંગથી ચાર્જ કરવાથી એફિશિએન્સી ઘટી જશે