- મૌની અમાસનું ધાર્મિક મહત્વ
- લોકો આ દિવસે મૌન પાળે છે
- આ મંત્રનો 108 વાર જાપ કરો
અમાસ તિથિ સનાતન ધર્મમાં ખૂબ જ મહત્વપૂર્ણ માનવામાં આવે છે. વર્ષના દરેક મહિનામાં અમાસ તિથિ પર લોકો પવિત્ર નદીઓમાં સ્નાન કરે છે, દાન કરે છે અને સારા કાર્યો કરે છે. હિન્દુ ધર્મમાં મૌની અમાસનું વિશેષ મહત્વ છે. તેને માઘ અમાસ તરીકે પણ ઓળખવામાં આવે છે. કેલેન્ડર મુજબ આ વર્ષે મૌની અમાસ 9 ફેબ્રુઆરીએ ઉજવવામાં આવશે.
.jpg)
મૌન વ્રત
લોકો આ દિવસે મૌન પાળે છે. જેને મૌન વ્રત તરીકે પણ ઓળખવામાં આવે છે, કારણ કે મૌની શબ્દનો શાબ્દિક અર્થ મૌન છે. હિંદુ ધાર્મિક માન્યતા અનુસાર, આ દિવસે વ્યક્તિએ કોઈની સાથે વાત કર્યા વિના પોતાને સમજવા અને નિયંત્રિત કરવાનો પ્રયાસ કરવો જોઈએ.
મૌની અમાસનું ધાર્મિક મહત્વ
સનાતન ધર્મમાં અમાસ તિથિનું ઘણું મહત્વ છે. આ દિવસે પવિત્ર નદીઓમાં સ્નાન કરવાનું મહત્વ સમજાવવામાં આવ્યું છે. આ વર્ષે મૌની અમાસનો તહેવાર 9 ફેબ્રુઆરીએ ઉજવવામાં આવશે. આ દિવસે કેટલાક ખાસ ઉપાય કરવાથી પિતૃ દોષથી રાહત મળે છે.
વાંચવા જેવું: કુંભ રાશિમાં સૂર્ય અને શનિ થશે ભેગા: કર્ક અને કુંભ સહિત આ રાશિ માટે સમય ભારે
મૌની અમાસના દિવસે કરો આ ઉપાયો
તમે અમાસના દિવસે દાન કરો છો તો તેનું વિશેષ મહત્વ છે. આ દિવસે જરૂરિયાતમંદ લોકોને ભોજન કરાવવું જોઈએ અને તેઓને દાન આપવું જોઈએ. આમ કરવાથી પિતૃઓની કૃપા પ્રાપ્ત થાય છે. જ્યોતિષ શાસ્ત્ર અનુસાર આ દિવસે વ્યક્તિએ તેલ, ધાબળો, દૂધ, ખાંડ, અનાજ અને પૈસાનું દાન કરવું જોઈએ. આ સિવાય મૌની અમાસના દિવસે પશુ-પક્ષીઓને ભોજન કરાવવું જોઈએ. આમ કરવાથી પિતૃઓ પ્રસન્ન થાય છે અને જીવનની તમામ સમસ્યાઓમાંથી મુક્તિ મળે છે.
આ મંત્રનો 108 વાર જાપ કરો
મૌની અમાસના દિવસે ભગવાન સૂર્યને અર્ઘ્ય ચઢાવવું ખૂબ જ શુભ માનવામાં આવે છે. કહેવાય છે કે આ દિવસે આમ કરવાથી પિતૃ દોષથી મુક્તિ મળે છે. મૌની અમાસના દિવસે, "ઓમ આદ્ય-ભૂતાય વિદ્મહે સર્વ-સેવયા ધીમહિ, શિવ-શક્તિ-સ્વરૂપેણ પિતૃ-દેવ પ્રચોદયાત્" મંત્રનો 108 વાર જાપ કરો. આમ કરવાથી પિતૃઓ પ્રસન્ન રહે છે. તેમજ જાતકનાં ઘરમાંથી પિતૃ દોષ દૂર થઈ જાય છે.
