- ચંદ્રયાન 3 ને લઈને એલોન મસ્કે આપી પ્રતિક્રિયા
- બજેટને જોઈને ચોંકી ઊઠ્યાં મસ્ક
- કહ્યું, 'ગુડ ફોર ઈન્ડિયા'
ચંદ્રયાન 3 મિશન લાઈવ: ચંદ્રયાન 3 ની ચર્ચા સમગ્ર વિશ્વમાં થઈ રહી છે. ઠેર-ઠેર આ મૂન મિશન સફળ થાય તે માટે પ્રાર્થના કરવામાં આવી રહી છે ત્યારે પૃથ્વીનાં સૌથી અમીર વ્યક્તિ એલોન મસ્ક પણ પાછળ રહ્યાં નથી. સ્પેસએક્સ અને ટેસ્લાનાં બોસ એવા એલોન મસ્કે એક ટ્વીટનાં જવાબમાં ભારતનાં ચંદ્રયાન 3 મિશનનાં વખાણ કર્યાં હતાં એટલું જ નહીં મિશન પાછળ થયેલા ખર્ચ વિશે જાણીને પણ ચોંકી ઊઠ્યાં હતાં.
એલોન મસ્કની પ્રતિક્રિયા વાયરલ
પૂર્વ પત્રકાર સિંડી પોમે X પર શેર કર્યું કે,' જ્યારે તમને ખબર પડશે કે ભારતનાં ચંદ્રયાન-3નું બજેટ 75 મિલિયન ડોલર, ફિલ્મ ઈંટરસ્ટેલર (165 મિલિયન ડોલર)થી પણ ઓછું છે તો તમે ચોંકી જશો.' આ ટ્વીટનો જવાબ આપતાં એલોન મસ્કે લખ્યું કે,"ભારત માટે આ સારું છે" અને આ બાદ ભારતીય ઝંડાની ઈમોજી પણ એડ કરી હતી.
મૂવી ઈંટરસ્ટેલર અને ચંદ્રયાન 3નું બજેટ
ભારતનાં ઈસરોએ ચંદ્રયાન 3ને ચંદ્ર પર ઊતારવાની યોજના બનાવી છે. જો ભારત ચંદ્રયાનને ચંદ્ર પર લેન્ડ કરવામાં સફળ થાય છે તો આવું કરનારો દુનિયાનો તે ચોથો દેશ બની જશે. ચંદ્રયાનની ટોટલ કોસ્ટ આશરે 75 મિલિયન ડોલરની છે. તો સામે પક્ષે ક્રિસ્ટોફર નોલનની ફિલ્મ ઈંટરસ્ટેલરનું બજેટ 165 મિલિયન ડોલર છે.
ચંદ્રયાન-3નું બજેટ
મીડિયા રિપોર્ટ્સ અનુસાર ચંદ્રયાન3નો ખર્ચ લગભગ 615 કરોડ છે. ઈસરોની તરફથી બનાવવામાં આવેલા આ મિશનનો અંદાજીત ખર્ચ 600 કરોડ રૂપિયા છે. પરંતુ તેને બનાવીને તૈયાર થવામાં 615 કરોડ રૂપિયાનો ખર્ચ થયો છે. ત્યાં જ ચંદ્રયાન-2ની વાત કરવામાં આવે તો તેને સફળ બનાવવા માટે લગભગ 978 કરોડ રૂપિયો ખર્ચ થયો હતો. ત્યાં જ અમેરિકા જેવા પાવરફૂલ દેશના મૂન મિશનની વાત કરવામાં આવે તો અમેરિકા મૂન મિશન પર અત્યાર સુધી લગભગ 825 લાખ કરોડ ખર્ચ કરવામાં આવી ચુક્યા છે.
