Chandigarh Mayor Election: સુપ્રીમ કોર્ટના ઈતિહાસમાં મંગળવારે કંઈક એવું બન્યું જે આજ સુધી ક્યારેય બન્યું ન હતું. ચંડીગઢના મેયરની ચૂંટણીમાં કથિત ગેરરીતિના મામલામાં સુપ્રીમ કોર્ટમાં સુનાવણી થઈ ગઈ છે અને આ સુનાવણી દરમિયાન કોર્ટે AAP ઉમેદવાર કુલદીપ કુમારને મેયર જાહેર કર્યા હતા.
જૂના ચૂંટણી પરિણામોને રદ કરી દીધા હતા
ચંદીગઢ મેયરની ચૂંટણીને લઈને માત્ર મતોની ગણતરી જ નહીં પરંતુ ન્યાય આપવા માટે મેયરની ચૂંટણીનું પરિણામ પણ કોર્ટ દ્વારા જ જાહેર કરવામાં આવ્યું હતું. થયું એવું કે ચંદીગઢ મેયર ચૂંટણી કેસની સુનાવણી દરમિયાન, CJI DY ચંદ્રચુડની આગેવાની હેઠળની ત્રણ જજોની બેંચે જૂના ચૂંટણી પરિણામોને રદ કરી દીધા હતા. ત્યારબાદ કોર્ટમાં ફરીથી મતોની ગણતરી કરવામાં આવી હતી અને નવા પરિણામો જાહેર કરવામાં આવ્યા હતા.
આમ આદમી પાર્ટીના કુલદીપ કુમાર નવા મેયર બન્યા
સુપ્રીમ કોર્ટે મંગળવારે ચંદીગઢની મેયર ચૂંટણીનામાં 12 અને 8 મત ઉમેરીને 20 મત ગણીને વિશેષાધિકારનો ઉપયોગ પરિણામોને પલટી નાખ્યા હતા અને આમ આદમી પાર્ટી (AAP)ના કુલદીપ કુમારને શહેરના નવા મેયર તરીકે જાહેર કર્યા હતા. સુપ્રીમ કોર્ટના આ નિર્ણય બાદ AAP નેતા સૌરભ ભારદ્વાજે પ્રેસ કોન્ફરન્સ કરીને ભાજપ પર નિશાન સાધ્યું હતું. તેમણે કહ્યું કે મેયરની ચૂંટણીમાં કેન્દ્ર સરકાર અને ભાજપ ખુલ્લેઆમ ચોરી અને લૂંટ ચલાવતા કેમેરામાં જોવા મળ્યા હતા. દેશ માટે ચિંતાનો વિષય છે કે જ્યાં કેમેરા નથી લગાવ્યા ત્યાં કેન્દ્ર સરકાર શું કરી રહી હશે?
CJI એ 20 મિનિટ સુધી કોર્ટ રૂમમાં જ બધાને વીડિયો બતાવ્યો
સુપ્રીમ કોર્ટે 30 જાન્યુઆરીની ચૂંટણીના આચરણમાં ગંભીર ભૂલો શોધી કાઢ્યા બાદ રિટર્નિંગ ઓફિસર અનિલ મસીહ સામે 'ગંભીર ગેરવર્તણૂક' માટે કાર્યવાહી કરવાનો આદેશ પણ આપ્યો હતો. બંધારણના અનુચ્છેદ 142 હેઠળ સુપ્રીમ કોર્ટે કહ્યું કે રિટર્નિંગ ઓફિસર દ્વારા જાહેર કરાયેલ પરિણામ સ્પષ્ટપણે કાયદાની વિરુદ્ધ છે. રિટર્નિંગ ઓફિસર નામાંકિત કાઉન્સિલર છે. આ કેસની સુનાવણી દરમિયાન, કેસની વાસ્તવિકતા બધાની સામે લાવવા માટે, CJI એ 20 મિનિટ સુધી કોર્ટ રૂમમાં જ બધાને વીડિયો પણ બતાવ્યો.
વધુ વાંચો: ચંદીગઢ મેયર ચૂંટણીમાં ફેર મતગણતરીનો સુપ્રીમનો આદેશ, AAPના હાથમાં આવશે ખુરશી
દરેક માટે થોડું મનોરંજન જરૂરી છે - CJI
ચંદીગઢ મેયરની ચૂંટણીની સુનાવણી દરમિયાન સુપ્રીમ કોર્ટમાં એક વીડિયો ચલાવવામાં આવ્યો હતો જેમાં ચૂંટણી અધિકારીઓ બેલેટ પેપરની તપાસ કરી રહ્યા છે. જ્યારે આ વીડિયો ચાલવા લાગ્યો ત્યારે ચીફ જસ્ટિસ ડીવાય ચંદ્રચુડે કહ્યું કે દરેક વ્યક્તિએ આ વીડિયો જોવો જોઈએ. દરેક માટે થોડું મનોરંજન જરૂરી છે. CJI એ એમ પણ કહ્યું કે આખો વીડિયો ફરીથી ચલાવવાની જરૂર નથી. અરજદારે પહેલાથી જ વીડિયોના તે ભાગની સ્પષ્ટતા કરી છે જે કેસ સાથે સંબંધિત છે. ચીફ જસ્ટિસ ચંદ્રચુડે હસતા હસતા કહ્યું કે જો આખો વીડિયો પ્લે કરવામાં આવે તો અમારે સાંજે 5.45 સુધી અહીં જ રહેવું પડશે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
