દેશ / મોદી સરકારનો મીઠો નિર્ણય.! મોંઘવારીના ભરડા આવેલી ખાંડની કિમંત કંટ્રોલમાં આવશે, ખાસ પ્લાન તૈયાર

• ખાંડનાં વેપારીઓ માટે સરકાર લઈ આવી નિયમ
• ખાંડનાં સ્ટોકની સાપ્તાહિક જાણકારી જમા કરવાનો નિયમ
• સરકાર પાસે ખાંડનો રિયલ ટાઈમ ડેટા રહેશે ઉપલબ્ધ

ઘઉં અને મસૂર બાદ સરકારે ખાંડનાં સ્ટોકની સાપ્તાહિક જાણકારી જમા કરવાનો નિયમ ફરજિયાત કર્યો છે. હવે ખાંડનાં વેપારીઓએ દર અઠવાડિયે પોતાના સ્ટોકની માહિતી સરકારને આપવાની રહેશે. સરકારે રિટેલ માર્કેટમાં ખાંડની કિંમતોને વધવાથી અટકાવવા અને જમાખોરીને અટકાવવા માટે આ આદેશો આપ્યાં છે. કિંમતોને કંટ્રોલ કરવા માટે સરકારે જથ્થાબંધ વેપારીઓ, રિટેલર્સ, બિગ ચેઈન રિટેલર્સ, પ્રોસેસર્સને સ્ટોકની જાણકારી આપવાનાં આદેશ આપ્યાં છે. આ લોકોએ સ્ટોકની લેટેસ્ટ માહિતી 'ફૂડ એન્ડ પબ્લિક ડિસ્ટ્રીબ્યૂશન'નાં પોર્ટલ https://esugar. nic.in પર ફરજિયાત આપવાની રહેશે.

ખાંડનાં રિયલ ટાઈમ ડેટાની માહિતી મળશે
આ વ્યવસ્થા સંપૂર્ણપણે ડિજિટલ છે. તેનાથી ખાંડની તમામ પ્રકારની જમાખોરી અને સટ્ટાબાજી પર રોક આવશે. તેનાથી ખાંડનાં માર્કેટને આગળ વધવામાં પણ મદદ મળશે. પોર્ટલ પર રિયલ ટાઈમ ડેટા હોવાને લીધે સ્ટોકની સાચી માહિતી સરકાર પાસે રહેશે જેનાથી કિંમતોની વધઘટ સંબંધિત અફવાઓને ફેલાતા પણ અટકાવી શકાશે. આ સાથે જ જો સ્ટોક ઓછો કે વધારે હોય તો આયાત-નિકાસ સંબંધિત નિયમોમાં પણ ફેરફાર કરવાનો સરકારને મોકો મળશે. સરકારે મંથલી કોટાનાં નિયમો અને જરૂરી કાયદાઓનું પાલન કરાવવા માટે ખાંડની મિલોને આદેશ આપ્યાં છે જેમાં સ્પષ્ટ કરવામાં આવ્યું છે કે જે આ નિયમનું પાલન નહીં કરે તેમની સામે કડક કાર્યવાહી કરવામાં આવશે.

તહેવારોમાં મોંઘવારી રોકવાની તૈયારી
સરકાર શુગરની સ્ટોક લિમિટની જાણકારી એટલા માટે માંગી રહી છે જેનાથી જમાખોરીની આશંકાઓ દૂર થાય. ફેસ્ટિવ સીઝનમાં ખાંડની ડિમાન્ડમાં તેજી આવે છે. તેવામાં સરકાર ખાંડની કિંમતો વધારવાનું જોખમ લેવા નથી ઈચ્છતી.

દેશમાં ખાંડનો પૂરતો સ્ટોક હાજર
સરકારે દાવો કર્યો છે કે ઈંટરનેશનલ માર્કેટમાં ખાંડની કિંમતોમાં વધારો હોવા છતાં તેના રિટેલ ભાવ સ્થિર છે. આ સાથે જ સરકારે વિશ્વાસ અપાવ્યો છે કે ઘરેલૂ સ્ટોકમાં હાજર અને આવનારા ફેસ્ટિવ સીઝન માટે ખાંડની જરૂરિયાતને પૂરી કરવા માટે પૂરતો સ્ટોક છે. ઓગસ્ટ 2023 સુધી ભારત પાસે 83 લાખ મેટ્રિક ટન સ્ટોક હતો જે દેશની 100 દિવસથી વધારેની ખાંડની જરૂરને પૂરી કરવા માટે પૂરતો છે.