- દારુ કૌભાંડ મામલામાં મનીષ સિસોદિયાએ કબૂલ્યો ગુનો
- પુરાવાઓવાળા 2 ફોન નષ્ટ કરવાનો આરોપ કબૂલ્યો
- CBIએ ચાર્જશીટ રાઉઝ કોર્ટને સોંપી
દિલ્હીનાં દારુ કૌભાંડ મામલાની તપાસ કરીને CBIએ ચાર્જશીટ રાઉઝ એવેન્યુ કોર્ટને સોંપી દીઝી છે. CBIએ ચાર્જશીટમાં કહ્યું કે પૂર્વ ઉપમુખ્યમંત્રી મનીષ સિસોદિયાએ સ્વીકાર્યું છે કે તેમણે 2 મોબાઈલ ફોન નષ્ટ કરી દીધાં હતાં જેમાં ગુનાનાં પુરાવાઓ હતાં.
બંને હેંડસેટને નષ્ટ કરવાની વાત કબૂલી
CBI ચાર્જશીટ અનુસાર તપાસ બાદ જાણવા મળ્યું છે કે 1 જાન્યુઆરી 2020થી 19 ઓગસ્ટ 2022 સુધી સિસોદિયાએ 3 મોબાઈલ ફોનનો ઉપયોગ કર્યો હતો જેમાંથી 2 ફોન 22 જૂલાઈ 2022થી પહેલા ઉપયોગમાં લેવાયા હતાં. મનિષ સિસોદિયાએ આ બંને હેંડસેટને નષ્ટ કરવાની વાત કબૂલી છે.
કાર્યવાહી કરવા જેવો વધુ એક કેસ
CBIએ પોતાની ચાર્જશીટમાં કહ્યું કે આ હેંડસેટ તેમણે જાણી જોઈને નષ્ટ કર્યા હતાં કારણ કે તેમાં નીતિ સંબંધિત કેટલાક પુરાવાઓ હતાં. ચાર્જશીટમાં કહેવામાં આવ્યું છે કે આ સિસોદિયાની સામે કાર્યવાહી કરવા જેવો વધુ એક કેસ છે.
ચાર્જશીટમાં ક્યાં આરોપ લગાવાયા છે?
- CBIએ ચાર્જશીટમાં કહ્યું છે કે મનીષ સિસોદિયાએ સ્વીકાર કર્યો છે કે તેમણે 2 મોબાઈલ ફોન નષ્ટ કર્યાં છે. આ હેંડસેટને જાણી જોઈને નષ્ટ કરાયા છે કારણકે તેમાં દારુ કૌભાંડને લઈને ગંભીર પુરાવાઓ હતાં.
- ચાર્જશીટમાં કહેવાયું કે સિસોદિયા GOM મંત્રીઓનાં સમૂહની રિપોર્ટનાં બનાવનારા હતાં.
- CBIએ કહ્યું કે સિસોદિયાએ ખાનગી જથ્થાબંધ વેપારીઓને ઊંચા માર્જિન દ્વારા અનુચિત લાભ અપાવ્યો હતો.
- ચાર્જશિટમાં કહેવાયું કે સિસોદિયાએ જનતા પાસેથી પ્રતિક્રિયા લેવાની પ્રક્રિયામાં પણ ફેરફારો કર્યાં. તેમણે અલ્પસંખ્યક આયોગનાં અધ્યક્ષનાં ઈમેઈલ સાથે પણ ચેડા કરી હતી.
