- 7 રેલવે કર્મચારીઓ અને ખાનગી કંપની BIPL વિરુદ્ધ રૂ. 60 કરોડની લાંચના કેસમાં કાર્યવાહી
- CBIએ આસામ, ત્રિપુરા, મણિપુર અને દિલ્હી સહિત 16 જગ્યાએ પાડ્યા દરોડા
- આરોપી અધિકારીઓ અને કંપની સાથે જોડાયેલા 16 જગ્યાઓ પર દરોડા પાડ્યા
CBI Raid : CBIએ સાત રેલવે કર્મચારીઓ અને ખાનગી કંપની ભરતિયા ઈન્ફ્રા પ્રોજેક્ટ લિમિટેડ (BIPL) વિરુદ્ધ રૂ. 60 કરોડની લાંચના કેસમાં કેસ નોંધ્યો છે. આ મામલો 2016 થી 2023 વચ્ચે નોર્થઈસ્ટ ફ્રન્ટિયર રેલ્વેના પ્રોજેક્ટ માટે 60 કરોડ રૂપિયાની લાંચ આપવાનો છે. આ તરફ કેસ નોંધ્યા પછી CBIએ આસામ, ત્રિપુરા, મણિપુર અને દિલ્હીમાં આરોપી અધિકારીઓ અને કંપની સાથે જોડાયેલા 16 જગ્યાઓ પર દરોડા પાડ્યા હતા.
CBIના દરોડા દરમિયાન કેસ સંબંધિત ગુનાહિત દસ્તાવેજો અને આરોપીઓ દ્વારા હસ્તગત કરેલી મિલકતના દસ્તાવેજો મળી આવ્યા હતા. CBI અધિકારીએ જણાવ્યું કે, તત્કાલિન ડેપ્યુટી ચીફ એન્જિનિયર નિર્માણ રામપાલ, તત્કાલીન ડેપ્યુટી ચીફ એન્જિનિયર જીતેન્દ્ર ઝા અને બીયુ લસ્કર, તત્કાલીન સિનિયર સુપરિન્ટેન્ડેન્ટ એન્જિનિયર ઋતુરાજ ગોગોઈ, ધીરજ ભાગવત, મનોજ સૈકિયા, મિથુન દાસ અને BIPLના નામ FIRમાં છે.
વધુ વાંચો: અયોધ્યામાં રામલહેર: આજે પણ કતારમાં ભક્તોની લાંબી લાઇન, વાહનોની એન્ટ્રી પર રોક
આ મામલો ગયા વર્ષે ફેબ્રુઆરીમાં નોર્થઇસ્ટ ફ્રન્ટિયર રેલ્વેના વરિષ્ઠ સેક્શન એન્જિનિયર સંતોષ કુમારની 2 કરોડ રૂપિયાની લાંચ લેતા ધરપકડ બાદ CBI સમક્ષ આવ્યો હતો. આ સમયગાળા દરમિયાન BIPL અને અન્ય જગ્યાઓ પર દરોડા દરમિયાન મળી આવેલા દસ્તાવેજો પરથી જાણવા મળ્યું છે કે, BIPLએ રેલવે અધિકારીઓને રૂ. 60 કરોડથી વધુની લાંચ આપી હતી. કંપનીએ 2016 અને 2022 ની વચ્ચે નોર્થઇસ્ટ ફ્રન્ટિયર રેલ્વેના છ મોટા પ્રોજેક્ટ્સ મેળવ્યા હતા.
