દરોડા / સુરતમાં બિલ્ડર અને જ્વેલર્સને ત્યાં સર્ચ ઑપરેશન યથાવત, 1 કરોડની રોકડ સહિત જ્વેલરી સીઝ કરાઈ

• બિલ્ડર અને જ્વેલર્સને ત્યાં સર્ચ ઑપરેશન યથાવત
• 40માંથી 30 જગ્યાઓ પર ITનું સર્ચ ઑપરેશન પૂર્ણ
• 1 કરોડની રોકડ અને જ્વેલરી સીઝ કરવામાં આવી

સુરત શહેરમાં 3 ડિસેમ્બરે સંગીની બિલ્ડર ગ્રુપ પર આઈટી વિભાગે દરોડાની કાર્યવાહી હાથ ધરી હતી.  શહેરના 2 બિલ્ડર ગ્રુપ ઉપરાંત ફાયનાન્સર અને ભાગીદારોને ત્યાં પણ તપાસ કરવામાં આવી હતી. જેમાં 40 પૈકી 30 સ્થળે કામગીરી પૂર્ણ થઈ છે. સાથે સાથે 1 કરોડ રોકડ, જ્વેલરી અને 10 બેન્ક લોકર સીઝ કરાયા છે. આ સ્થળોએથી 80થી 100 કરોડના ડોક્યુમેન્ટ મળ્યા છે, સાથે સાથે લેપટોપ, કોમ્પ્યુટર અને હાર્ડડિસ્ક સહિતની વસ્તુઓ આવકવેરા વિભાગ દ્વારા કબ્જે લેવામાં આવ્યા છે.

બિલ્ડર અને જ્વેલર્સને ત્યાં સર્ચ ઑપરેશન યથાવત

આવક વેરા વિભાગ દ્વારા સંગીની ડેવલપર અને અરિહંતને ત્યાં ઘર અને ઓફિસમાં તપાસ યથાવત રાખવામાં આવી છે.  તપાસ દરમિયાન ડોક્યુમેન્ટના આધારે દરોડાને સફળ બનાવવા માટે અધિકારીઓએ બિલ્ડરોના નાના ભાગીદારો અને કર્મચારીઓને પણ સાણસામાં લીધા છે. કેટલીક જગ્યાએ મહત્વના કાગળો મળી આવ્યા હોવાનું અધિકારીઓ દ્વારા જણાવમાં મળ્યું છે. દરોડા દરમિાયન અંદાજે રૂપિયા 100 કરોડના ડોક્યુમેન્ટ જપ્ત કરાયા છે જેને આઇટી વિભાગે વધુ કાર્યવાહી હાથ ધરી છે. 

40માંથી 30 જગ્યાઓ પર ITનું સર્ચ ઑપરેશન પૂર્ણ

આવેકવેરા વિભાગે સપાટો બોલાવતા અરિહંત ગ્રુપ, મહેન્દ્ર ચંપક ગ્રુપ અને અશેષ દોશીને ત્યાં પણ સર્ચની કાર્યવાહી હાથ ધરવામાં આવી હતી, બેનામી સંપત્તિ કે આવક કરતા વધુ સંપત્તિની ચકાસણી કરવામાં આવી રહી છે. મહત્વનું છે અગાઉ અમદાવાદમાં પણ અનેક જગ્યાએ આવકવેરા વિભાગ દ્વારા તપાસ કાર્યવાહી હાથ ધરવામાં આવી હતી. ત્યારે સુરતમાં સવારથી જ આવેકવેરા વિભાગ ધામા નાખતા ઉદ્યોગકારો અને વેપારીઓમાં ફફડાટ જોવા મળી રહ્યો છે.