નિવેદન / 'ચા ખરીદવાના પણ પૈસા નથી', સંસદ સ્મોક એટેકના ઘુસણખોરોના પરિવારના હાલ બેહાલ, માઠા દિવસો આવ્યાં

• સંસદની સુરક્ષામાં ચૂક મામલે 6 લોકોની ધરપકડ કરાઈ
• આરોપી આમોલ શિંદેના પિતાએ સરકાર પાસે કરી એક માંગ
• 'સરકાર એકવાર તેના પુત્રને વાતચીત કરવા આપે'

દિલ્હી પોલીસે સંસદની સુરક્ષાનો ભંગ કરનારા 6 લોકોની ધરપકડ કરી છે. આ યુવકો પૈકી એક મહારાષ્ટ્રના લાતુરનો છે. તેનું નામ અમોલ શિંદે છે. આ કેસમાં પુત્રનું નામ સામે આવ્યા બાદ તેના માતા-પિતા આગળ આવ્યા છે. તેમણે સરકાર પાસે માંગ કરી છે કે તેમને તેમના પુત્ર સાથે એકવાર વાત કરાવે

અમોલના પિતા શું કહ્યં ?
અમોલના પિતા ધનરાજ શિંદેએ કહ્યું કે આ ઘટના બાદ અમે છેલ્લા ચાર દિવસથી ઘરે છીએ. ગામમાં હવે કોઈ ખેડૂત અમને કામ નથી આપતો. તેમનું કહેવું છે કે, અમને કામ માટે બોલાવવામાં આવશે તો પોલીસ પણ અમારી તપાસ કરશે. કામના અભાવે ચાની પત્તી ખરીદવાના પણ પૈસા નથી. કોઈ પૈસા ઉધાર આપવા તૈયાર નથી. તેમના પુત્રની યાદમાં ધનરાજ આ દિવસોમાં તેમની ટી-શર્ટ પહેરે છે. જેમાં ભગત સિંહ, સુખદેવ અને રાજગુરુની તસવીરો છે. અમોલની માતા કહે છે કે તેનો પુત્ર આ ત્રણ ક્રાંતિકારીઓને અનુસરતો હતો. તેમને ભગતસિંહના પુસ્તકો વાંચવાનો ખૂબ શોખ હતો. તેથી તેઓ પણ ક્રાંતિકારીઓની જેમ સેના અને પોલીસમાં જોડાઈને દેશની સેવા કરવા માંગતા હતા.

સાગર અને મનોરંજન વિઝિટર ગેલેરીમાંથી કૂદ્યા હતાં
તમને જણાવી દઈએ કે સાગર શર્મા અને મનોરંજન સંસદમાં સૂન્ય કાળ દરમિયાન વિઝિટર ગેલેરીમાંથી કૂદી પડ્યા હતા. તેમની પાસે સ્મોક કેન હતા. જેમાંથી પીળો ધુમાડો નીકળતો હતો. આ લોકોએ સંસદમાં નારા લગાવ્યા હતા. આ દરમિયાન ત્યાં હાજર સાંસદોએ તેમને પકડી લીધા હતા. અમોલ અને નીલમે સૂત્રોચ્ચાર કર્યા તે જ સમયે જ્યારે આ બંને લોકો સંસદમાં સૂત્રોચ્ચાર કરી રહ્યા હતા અને વિરોધ કરી રહ્યા હતા, ત્યારે અમોલ શિંદે અને નીલમ દેવીએ સંસદ પરિસરની બહાર તાનાશાહી નહીં ચાલેના નારા લગાવ્યા હતા.