BIG NEWS / હવેથી માલદીવમાં નહીં થાય બોલિવુડ ફિલ્મોનું શૂટિંગ? FWICEનો પારો આસમાને, કરી પ્રોડ્યુસર્સને અપીલ

• ભારત-માલદીવના વધી રહેલા વિવાદમાં હવે FWICE એ મોટો નિર્ણય લીધો
• ફિલ્મ નિર્માતાઓને માલદીવમાં ફિલ્મોનું શૂટિંગ બંધ કરવાની અપીલ કરી 

ભારત અને માલદીવ વચ્ચે વધી રહેલા તણાવ વચ્ચે ફિલ્મ ઈન્ડસ્ટ્રી યુનિયન ફેડરેશન ઓફ વેસ્ટર્ન ઈન્ડિયા સિને એમ્પ્લોઈઝ (FWICE) એ મોટો નિર્ણય લીધો છે. યુનિયને તેના સભ્યો અને ફિલ્મ નિર્માતાઓને માલદીવમાં તરત જ ફિલ્મોનું શૂટિંગ બંધ કરવાની અપીલ કરી છે. વડા પ્રધાન નરેન્દ્ર મોદી પર માલદીવના પ્રધાનો દ્વારા કરવામાં આવેલી તાજેતરની ટિપ્પણીઓની સખત નિંદા કરતા, FWICE એ ફિલ્મ નિર્માતાઓને ભારતમાં એવા સમાન સ્થાનો પસંદ કરવા માટે પ્રોત્સાહિત કર્યા છે. 

BOYCOTT MALDIVES… CHOOSE LOCATIONS IN INDIA: FWICE APPEALS TO PRODUCERS… OFFICIAL STATEMENT…#FWICE #India #Maldives pic.twitter.com/OpZmXIq6o2

— taran adarsh (@taran_adarsh) January 10, 2024

બૉલીવુડ સેલેબ્સ અને ફિલ્મ મેકર્સના પસંદિતા લોકેશનમાંથી એક એવા માલદીવમાં શું હવે ફિલ્મોની શૂટિંગ નહીં થાય? વિવાદ શરૂ થયો ત્યારથી દરેક લોકોના મનમાં આ સવાલ હતો અને હવે FWICEએ એક પ્રેસ રીલીઝ કરીને તેનો જવાબ આપી દીધો છે. જેમાં ફિલ્મ મેકર્સને માલદીવ જઈને શૂટિંગ ન કરવા માટે અપીલ કરવામાં આવી છે અને સાથે જ એક સલાહ પણ આપવામાં આવી છે. 

વધુ વાંચો: હવે લક્ષદ્વીપ અને અયોધ્યા જવું બનશે સાવ સરળ, શરૂ થવા જઇ રહી છે એરલાઇન્સ, CEOએ કર્યું મોટું એલાન

FWICE દ્વારા બૉયકોટ માલદીવના આ નિર્ણયથી દરેક લોકો ચોંકી ગયા છે, FWICE દ્વારા જારી કરવામાં આવેલા નિવેદનમાં કહેવામાં આવ્યું છે કે,

'માલદીવના ત્રણ મંત્રીઓ દ્વારા અપમાનજનક નિવેદનને લઈને ભારત અને માલદીવ વચ્ચે વધી રહેલા તણાવને ધ્યાનમાં રાખીને મીડિયા અને મનોરંજન ઉદ્યોગમાં કામ કરતા લોકો માટેની સંસ્થા FWICE એ આપણાં દેશના વડાપ્રધાન નરેન્દ્ર મોદી વિશે માલદીવના મંત્રીઓની આવી ટિપ્પણીની નિંદા કરે છે. આ સાથે જ સંસ્થાએ માલદીવ અને તેના શૂટિંગ સ્થળોનો બહિષ્કાર કરવાનો નિર્ણય લીધો છે. તેના બદલે મેકર્સ ભારતમાં જ આવા સ્થળોએ શૂટિંગ કરવા જાય અને ભારતના પ્રવાસન વિકાસમાં યોગદાન આપવા અપીલ કરે છે.'