અમુક વિદ્યાર્થીઓ પરીક્ષાના સ્ટ્રેસને સહન નથી કરી શકતા. જ્યારે અમુક વિદ્યાર્થીઓ માટે આ ખૂબ જ સરળ હોય છે. જો તમને પરીક્ષાના સ્ટ્રેસથી બચવું મુશ્કેલ લાગી રહ્યું છે તો યાદ રાખો કે સ્ટ્રેસ ફક્ત પરેશાન જ કરે છે અને તમને તમારૂ બેસ્ટ આપવાથી રોકે છે.
પરીક્ષાના સ્ટ્રેસને દૂર કરવા અપનાવો આ ટિપ્સ
થોડા સમય પહેલાથી શરૂ કરી દો તૈયારી
પરીક્ષા શરૂ થવાના થોડા સમય પહેલાથી જ અભ્યાસ શરૂ કરી દો. તેનાથી તમને સ્ટ્રેસ નહીં થાય અને સ્લેબસ પુરો કરી શકાશે. તમારા સ્લેબસને તમે નાના અને મેનેજેબલ સેશનમાં વહેચી લો. જેનાથી તમે તેને સરળતાથી પુરો કરી શકો. બધા વિષયો માટે એક સ્લોટ બનાવો અને આ સુનિશ્ચિત કરો કે તમે બધાને સમાન સમય આપો. પોતાની તૈયારીને જાણવા માટે મોક ટેસ્ટ, પ્રેક્ટિસ પેપરને સોલ્વ કરો.
પોતાને ફ્રેશ રાખવાનો પ્રયત્ન કરો
પોતાના મન અને શરીરને શાંત રાખવા માટે ઉંડો શ્વાસ લઈને વ્યાયામ કરો. ઘીરે અને ઉંડા શ્વાસ લો. પોતાના નાકથી શ્વાસ લો અને પોતાના મોંઢાથી શ્વાસ છોડો. દરરોજ ધ્યાન લગાવવા માટે અમુક સમય કાઢો. પોતાના વિચારોમાં કોઈ નકારાત્મક વિચાર ન લાવો.
યોગનો અભ્યાસ સ્ટ્રેસને ઓછો કરવા અને આરામને પ્રોત્સાહન આપવામાં મદદ કરી શકે છે. પોતાની દિનચર્યામાં યોગ મુદ્રાઓ શામેલ કરો. જેમ કે ચાઈલ્ડ પોઝ, સીટિડ ફોરવર્ડ પોઝ, દરેક પોઝમાં આગળ વધતી વખતે પોતાના શ્વાસ પર ધ્યાન આપો જેનાથી તમને થોડુ સારૂ લાગે.
પોતાને પ્રિપેર રાખો
પરીક્ષાની તૈયારી વખતે લાસ્ટ સમયની એન્ઝાઈટીને ઓછી કરવા માટે પ્રિપેર રહેવું જરૂરી છે. ફોકસ અને પ્રોડક્ટીવિટીને વધારવા માટે અભ્યાસની સામગ્રી, નોટ્સ અને સંસાધનોને સંભાળીને મુકો. જ્યારે તમારી વસ્તુઓ વધારે અવ્યવસ્થિત રહેતી હોય તો ધ્યાન વધારે ભટકે છે. સારી રીતે વસ્તુઓને ઓર્ગેનાઈઝ કરવાથી તમારો સમય બચે છે. જેનાથી તમે બ્રેક લઈ શકો છો અને બર્નઆઉટથી બચી શકો છો.
વધુ વાંચો: ભારતના 84 ટકા લોકોને ઉઠતાંવેંત મોબાઈલ જોઈએ, 55 ટકા લોકોને ખબર જ નથી ફોન કેમ મચેડે છે: રિપોર્ટ
એક્ટિવ લર્નિંગનો પ્રયત્ન કરો
કોઈ પણ વિષયને ગોખી નાખવાનો પ્રયત્ન ન કરો. આ આદત છોડી દો. તેની જગ્યા પર તમારે એક્ટિવ લર્નિંગ કરવું જોઈએ. નોટ્સ લેવા, બીજાને શિખવાડવા અને પોતાની સાથે પ્રશ્ન ઉત્તર કરવાના માધ્યમથી તમે વધુ સારી રીતે મહેનત કરી શકશો.
