- ધરપકડ થયેલા કેન્દ્રીય મંત્રી નારાયણ રાણેના બચાવમાં ઉતર્યો ભાજપ
- નારાયણ રાણેની ધરપકડને લોકશાહીની હત્યા ગણાવી
- ધરપકડ બંધારણીય મૂલ્યોનું ઉલ્લંઘન-જેપી નડ્ડા
દિલ્હી સ્થિત ભાજપ મુખ્યાલયમાં પ્રેસ કોન્ફરન્સ કરીને માહિતી આપતા ભાજપ પ્રવક્તા સંબિત પાત્રાએ જણાવ્યું કે નારાયણ રાણેની ધરપકડ લોકશાહીની હત્યા છે. પાત્રાએ કહ્યું કે નારાયણ રાણના મામલો ગંભીર છે. એક બાજુ આ લોકશાહીનો ભંગ છે, લોકશાહીની હત્યા છે. નારાયણ રાણે થોડા વાંધાજનક શબ્દોનો ઉપયોગ કર્યો હશે તે વાત સાચી, તે શબ્દો નહોતા બોલવા જોઈતા.
સંબિત પાત્રાએ જણાવ્યું કે શું આ કાયદો છે. મહારાષ્ટ્રના મંત્રી કહી રહ્યાં છે કાયદો સર્વોપરી છે. ભાજપના કાર્યાલયો પર પથ્થરમારો કરવો, લોકોના જાન જોખમમાં મૂકવા શું કાયદો છે. આ રીતે કેન્દ્રીય મંત્રી પર 30-40 એફઆઈઆર કરી નાખવી શું કાયદો છે. આજે મહારાષ્ટ્રમાં ઘણા મંત્રી છે. 27 એવા મંત્રી છે જેમની પર કેસ ચાલી રહ્યાં છે આવા કેટલા મંત્રીઓ જેલમાં છે.
ધરપકડ બંધારણીય મૂલ્યોનું ઉલ્લંઘન-જેપી નડ્ડા
ભારતીય જનતા પાર્ટીના રાષ્ટ્રીય અધ્યક્ષ જેપી નડ્ડાએ કેન્દ્રીય મંત્રી નારાયણ રાણેની ધરપકડની આકરી ટીકા કરી. તેમણે કહ્યું કે મહારાષ્ટ્ર સરકાર દ્વારા કેન્દ્રીય મંત્રી નારાયણ રાણે જીની ધરપકડ બંધારણીય મૂલ્યોનું ઉલ્લંઘન છે. આવી કાર્યવાહીથી અમે ન તો ડરીશું અને ન તો દબાઈશું. આ લોકો જન-આશિર્વાદ યાત્રામાં ભાજપને મળતા અપાર સમર્થનથી નારાજ છે. અમે લોકતાંત્રિક રીતે લડતા રહીશું, યાત્રા ચાલુ રહેશે.
સત્તાનો દુરપયોગ, કદી પણ સહન નહીં કરીએ- મહારા્ષ્ટ્ર ભાજપ અધ્યક્ષ
મહારાષ્ટ્ર ભાજપ અધ્યક્ષ ચંદ્રકાંત પાટિલે જણાવ્યું કે કેન્દ્રીય મંત્રીની ધરપકડ મહારાષ્ટ્રના ઈતિહાસની પહેલી ઘટના છે. આ સત્તાનો દુરપયોગ છે. અમે તેની સહન નહીં કરીએ. રામદાસ આઠવલેએ જણાવ્યું કે રાણેના કહેવાનો મતલબ ફક્ત એટલે હતો કે ઠાકરે મહારાષ્ટ્રના વિકાસ માટે કંઈ કરતાનથી અને લોકોની સમસ્યાઓ સમજવા માટે તેઓ મુંબઈમાં પોતાના ઘર માતોશ્રીની બહાર ભાગ્યે જ પગ મૂકે છે.
રત્નાગિરિના ચિપલુનમાંથી પોલીસે નારાયણ રાણેની ધરપકડ કરી
સીએમ ઉદ્ધવ ઠાકરેને થપ્પડ મારવાનું કહેવા બદલ મહારાષ્ટ્ર પોલીસે રત્નાગિરિના ચિપલુનમાંથી કેન્દ્રીય મંત્રી નારાયણ રાણેની ધરપકડ કરી છે.
હોસ્પિટલમાં દાખલ કરવાની જરૂર છે: ડોક્ટર
નારાયણ રાણેની તબિયત તપાસવા સંગમેશ્વર પોલીસ સ્ટેશનમાં આવેલા ડોક્ટર કહે છે કે તેમનું બ્લડ પ્રેશર વધી ગયું છે. વૃદ્ધાવસ્થા અને સુગરના દર્દી હોવાને કારણે, તેને હોસ્પિટલમાં દાખલ કરવાની જરૂર છે અને ઇસીજી કરવાની પણ જરૂર છે. જોકે, તેનું સુગર લેવલ ચેક થઈ શક્યું નથી.
