ઇલેક્શન 2022 / ચૂંટણી જીતવા ભાજપનો માસ્ટર પ્લાન: નિરીક્ષકોને સોંપી મોટી જવાબદારી, 27થી 29 ઓક્ટોબર સુધી દરેક જિલ્લામાં જઇને કરવું પડશે આ કામ

• ભારતીય જનતા પાર્ટી ચૂંટણીને લઇ એક્ટિવ મોડમાં
• 27, 28, 29 તારીખે નિરીક્ષકો જશે વિધાનસભાના પ્રવાસે
• જે લોકો ઉમેદવારી માટે ઈચ્છુક છે તેમની વાત સાંભળશે

ગુજરાત વિધાનસભા ચૂંટણી પહેલા રાજ્યમાં તમામ પક્ષો સક્રિય થઇ ગયા છે. દરેક પક્ષો આગામી ચૂંટણીમાં જીત હાંસલ કરવા એડીચોટી સુધીનું જોર લગાવી રહ્યાં છે. ત્યારે ભાજપે ચૂંટણીમાં જીત હાંસલ કરવા વધુ એક માસ્ટર પ્લાન તૈયાર કર્યો છે.

ગુજરાત વિધાનસભાની ચૂંટણીને લઇ ભાજપ એક્ટિવ મોડમાં, આગામી 27-28-29મીએ નિરીક્ષકોને દરેક વિધાનસભામાં મોકલશે, ચૂંટણીમાં જે લોકો ઉમેદવારી માટે તત્પરતા દાખવી રહ્યાં છે તેવા નામો મેળવશે#elections2022 #gujarat #bjp

— VTV Gujarati News and Beyond (@VtvGujarati) October 20, 2022

27-28-29મીએ નિરીક્ષકો જશે દરેક વિધાનસભામાં

ભાજપ પોતાના નિરીક્ષકોને આગામી 3 દિવસ દિવસ સુધી દરેક વિધાનસભામાં મોકલશે. આગામી તારીખ 27-28 અને 29મીએ ભાજપના દરેક નિરીક્ષકો વિધાનસભાના પ્રવાસે જશે. 
આ નિરીક્ષકો તાલુકા-જિલ્લા-નગરપાલિકાના હોદ્દેદારો સાથે બેઠક કરશે. ચૂંટણીમાં જે લોકો ઉમેદવારી માટે તત્પરતા દાખવી રહ્યાં છે તેવા નામો મેળવશે. જે લોકો ઉમેદવારી માટે ઈચ્છુક છે તેઓની આ નિરીક્ષકો વાત સાંભળશે. જે નામ વિધાનસભા વાઈઝ આવશે તેને પાર્લામેન્ટ્રી બોર્ડમાં મોકલાશે.

આ વર્ષે ભાજપ નેતાઓ દિવાળીની ઉજવણી કાર્યકરો સાથે કરશે

આ સિવાય તમને જણાવી દઇએ કે, ભાજપના નેતાઓ આ વર્ષે દિવાળીની ઉજવણી પણ કાર્યકરો સાથે કરશે. કેન્દ્રીય અને પ્રદેશ નેતૃત્વ કાર્યકરો સાથે બેઠકો કરશે. કેન્દ્રીય ગૃહમંત્રી અમિત શાહ અને CM ભૂપેન્દ્ર પટેલ અને CR પાટીલ કાર્યકરોને મળશે. ઝોન વાઇઝ કાર્યકરો સાથે કેન્દ્રીય નેતાઓ બેઠક કરશે. જે અંતર્ગત ઉત્તર ગુજરાતની બેઠક પાલનપુરમાં યોજાશે, સૌરાષ્ટ્રની બેઠક સોમનાથમાં યોજાશે, મધ્ય ગુજરાતની બેઠક વડોદરામાં યોજાશે જ્યારે દક્ષિણ ગુજરાતની બેઠક સુરતમાં યોજાશે.