આયોજન / PM મોદીના જન્મદિવસને ભાજપ ઉજવશે 'સેવા પખવાડિયા' તરીકે, 30 હજાર દીકરીઓને અપાશે આ લાભ

• PM મોદીના જન્મદિવસની ઉજવણી 
• 17 સપ્ટેમ્બરથી ઉજવાશે સેવા પખવાડિયું 
• પ્રદેશ ભાજપ દ્વારા સેવા પખવાડિયાનું આયોજન 

PM Modi Birthday 2023 : PM મોદીના જન્મદિવસને લઈ અનેક જગ્યાએ અલગ-અલગ રીતે ઉજવણીનું આયોજન કરવામાં આવ્યું છે. આ દરમિયાન હવે ગુજરાત પ્રદેશ ભાજપ દ્વારા PM નરેન્દ્ર મોદીના જન્મદિવસ નિમિત્તે સેવા પખવાડિયાનું આયોજન કરાશે. જેમાં ખાસ કરીને 17 સપ્ટેમ્બરથી મહાત્મા ગાંધીની જન્મજયંતિ સુધી સેવા પખવાડિયાની ઉજવણી કરવામાં આવશે. 

PM મોદીના જન્મદિવસને લઈ કવાયત
વડાપ્રધાન નરેન્દ્ર મોદીના જન્મદિવસને લઈ 17 સપ્ટેમ્બરથી મહાત્મા ગાંધીની જન્મજયંતિ સુધી સેવા પખવાડિયાની ઉજવણી કરાશે. આ સેવા પખવાડિયાનું આયોજન આયોજન પ્રદેશ ભાજપ દ્વારા કરાશે. જે અનુસંધાને રાજ્યભરમાં પોષણ અભિયાન અને રક્તદાનના કાર્યક્રમ યોજાશે. 

રાજ્યભરમાં યોજાશે કાર્યક્રમ 
PM મોદીના જન્મદિવસને લઈ  30 હજાર દીકરીઓના સુકન્યા સમૃદ્ધિ યોજના અંતર્ગત ખાતા ખોલાવાશે. જેમાં દીકરીઓના ખાતા ખોલી પ્રથમ હપ્તાના રૂ. 500 જમા કરાવવામાં આવશે. આ સાથે 16 અને 17 સપ્ટેમ્બર 7.30 લાખ સૂર્યનમસ્કારનું આયોજન કરાયું છે. આ આયોજન રાજ્યના 73 સ્થળ પર 73 હજાર યોગ સાધકો દ્વારા કરવામાં આવ્યું છે. 

17 સપ્ટેમ્બરે PM મોદીનો 73મો જન્મદિવસ
પ્રધાનમંત્રી મોદીનો જન્મ 17 સપ્ટેમ્બર 1950ના રોજ ગુજરાતના એક નાનકડા શહેર વડનગરમાં થયો હતો. મોદી દેશના પહેલા એવા પ્રધાનમંત્રી છે કે જેમનો જન્મ આઝાદી પછી થયો હતો. નરેન્દ્ર મોદીએ 1972માં  RSS સાથે જોડાઇને પોતાના રાજનૈતિક કરિયરની શરૂઆત કરી હતી. 1987માં મોદી BJP સાથે જોડાયા અને 1995માં પાર્ટીના અધ્યક્ષ બન્યા.1998માં તેઓ રાષ્ટ્રીય મહાસચીવ પણ બન્યા. નરેન્દ્ર મોદી 3 વાર ગુજરાતના મુખ્યમંત્રી રહી ચૂક્યા છે. 2001માં તે પહેલીવાર ગુજરાતના CM બન્યા અને 2013માં ભાજપે તેમનું નામ પ્રધાનમંત્રી પદના ઉમ્મેદવાર તરીકે જાહેર કર્યું. જેની ચૂંટણીમાં ભાજપે 282 સીટો પર વિજય હાંસીલ કર્યો અને નરેન્દ્ર મોદી દેશના પ્રધાનમંત્રી બન્યા. ત્યારબાદ 2019ની ચૂંટણીમાં ભાજપે 300 સીટોથી વિજય મેળવ્યો.