- ગઠબંધન પર પીએમ મોદીએ કરી ચર્ચા
- INDIA ગઠબંધનને લાગશે જોરદાર ઝટકો
- BJP અને JDSના ગઠબંધનની ચર્ચા
લોકસભા ચૂંટણી પહેલા રાજનૈતિક દળ રાજકીય સમીકરણ ટેસ્ટ અને સેટ કરવાનો પ્રયત્ન કરી રહ્યા છે. રાષ્ટ્રીય જનતાંત્રિક ગઠબંધન અને વિપક્ષી ગઠબંઝન ઈન્ડિયન નેશનલ ડેવલોપમેન્ટ ઈંક્લૂસિવ અલાયંસ બન્નેની નજર પોતાનું કદ વધારવા પર છે. વિધાનસભા ચૂંટણીમાં હાર બાદ BJPનું ફોકસ હવે કર્ણાટક પર છે.
કર્ણાટકમાં કોંગ્રેસની સરકાર છે. BJP અહીં 2019ના પ્રદર્શનનું પુનરાવર્તન કરવાનો પ્રયત્ન કરી રહી છે. ખબર છે કે ભારતીય જનતા પાર્ટી અને જનતા દળની વચ્ચે ગઠબંધનને લઈને વાતચીત ચાલી રહી છે. એક રિપોર્ટ અનુસાર જેડીએસ પ્રમુખ એચડી દેવગોડાના ગઠબંધનને લઈને ગૃહ મંત્રી અમિત શાહ અને બીજેપી અધ્યક્ષ જેપી નડ્ડાની સાથે મુલાકાત પણ થઈ ચુકી છે. બીજેપી જેડીએસની સાથે ગઠબંધન પર સૈદ્ધાંતિક રીતે સહમત છે.
JDS સાથે ગઠબંધન પર શું કહ્યું યેદિયુરપ્પાએ
કર્ણાટકના પૂર્વ મુખ્યમંત્રી બીએસ યેદિયુરપ્પાએ જેડીએસ સાથે ગઠબંધન પર સવાલ કર્યો છે. "મને પ્રસન્નતા છે કે દેવગૌડાજી અમારા પ્રધાનમંત્રીને મળ્યા અને પહેલી વખત લગભગ ચાર સીટો પર ફાઈનલલાઈઝ કરી ચુક્યા છે. હું તેમનું સ્વાગત કરુ છું."
બીજી તરફ કહેવામાં આવી રહ્યું છે કે જેડીએપ પાંચ સીટો માંગી રહી છે. જેડીએસ માંડ્યા, હાસન, તુમાકુરૂ, ચિકબલ્લાપુર અને બેંગ્લોર ગ્રામીણ લોકસભા સીટ માંગી રહી છે.
જેડીએસએ માંગી પરિવાર વાળી લોકસભા સીટો
ચિકબલ્લાપુર લોકસભા સીટ સીવાર બાકીની ચાર સીટો એવી છે જ્યાંથી દેવગૌડા કે દેવગૌડાના પરિવારના કોઈને કોઈ સદસ્ય ચુંટણી મેદાનમાં ઉતરી રહ્યું છે. માંડ્યા લોકસભા સીટથી 2019ની ચૂંટણીમાં પૂર્વ મુખ્યમંત્રી એચડી કુમારસ્વામીના દિકરા નિખિલ કુમારસ્વામી, તુમકુર સીટથી એચડી દેવગૌડા, હાસન સીટથી તેમના પૌત્ર પ્રજ્વલ રેવન્ના જેડીએસ ઉમેદવાર હતા.
બેંગ્લોર ગ્રામીણ સીટથી 2014ની ચૂંટણીમાં એચડી કુમારસ્વામીની પત્ની અનિતા કુમારસ્વામી ઉમેદવાર હતી. આ બધી સીટો એવી છે જ્યાં વોક્કાલિગા સમુદાયના મતદાતા પ્રભાવી ભુમિકા નિભાવવાની સ્થિતિમાં છે.
