- બીજેપી તેલંગાણા અને આંધ્ર પ્રદેશમાં ધ્યાન કેન્દ્રિત કરી રહી છે
- PM મોદીની મિટિંગ કરી રહી છે મોટા ઇશારા
- TRS કાં તો બીજેપી સાથે હાથ મેળવશે કાં તો સામનો કરશે
પ્રધાનમંત્રી નરેન્દ્ર મોદીની દક્ષિણ ભારતની મુલાકાત માત્ર સત્તાવાર મુલાકાત નહતી પણ એ મુલાકાતને રાજનૈતિક રીતે ખૂબ મહત્વની માનવામાં આવી રહી છે. જણાવી દઈએ કે આ વખતેનો પીએમ મોદીનો પ્રવાસ માત્ર ઉદ્ઘાટન માટે જ નહતો પણ એ જણાવવા માટે હતો કે ભારતીય જનતા પાર્ટી તેનો વિસ્તાર દક્ષિણ સુધી લંબાવવા માંગે છે અને ખાસ કરીને આ વખતે તેલંગાણા અને આંધ્ર પ્રદેશમાં પાર્ટી ધ્યાન કેન્દ્રિત કરી રહી છે.
PM મોદીની મિટિંગ કરી રહી છે મોટા ઇશારા
જો આંધ્રપ્રદેશની વાત કરીએ તો ભલે આ સમયે ત્યાં જગન મોહન રેડ્ડીની YSRCP પાર્ટી છે પણ થોડા દિવસ પહેલા TDP પ્રમુખ ચંદ્રબાબુ નાયડુ જે એક સમયે NDAના સહયોગી હતા એમની સાથેની મુલાકાત અને હવે જનસેના પાર્ટીના પ્રમુખ પવન કલ્યાણ સાથેની મુલાકાત કંઈક બીજા જ ઇશારા કરી રહી છે. એક તરફ જ્યાં આંધ્રમાં મોદી વિરુદ્ધ નારા લગાવવામાં આવી રહ્યા છે કે એ રાજ્યની ત્રણ રાજધાનીઓ પર પોતાનો અભિપ્રાય આપવો જોઈએ કારણ કે મોદી એક સમયે અમરાવતીને રાજધાની બનાવવાની જાહેરાત બાદ ત્યાં આ નિર્ણયને આવકારતા અમરાવતી ગયા હતા પણ હવે ત્યાંનાલોકો ત્રણેય રાજધાનીઓ પર કેન્દ્રનો અભિપ્રાય જ સહિત રાજ્યના વિભાજન સમયે આપેલા વચનો પૂરા કરવાની પણ માંગ કરી રહ્યા છે. જો કે આ સાથે જ વિશાખા સ્ટીલ પ્લાન્ટનું ખાનગીકરણ કરવાના નિર્ણયનો પણ લોકો વિરોધ કરી રહ્યા છે.
ડિફેન્સ મોડમાં TRS
જણાવી દઈએ કે આંધ્ર પ્રદેશના વિભાજન સમયે તેલંગાણા સાથે કરવામાં આવેલ વાયદાઓ પણ પૂરા કરવામાં નથી આવ્યા આ આરોપ કે.ચંદ્રશેખર રાવની પાર્ટી ટીઆરએસ પણ બીજેપી પર લગાવી રહી છે. જો કે પરિસ્થિતિ જોતાં એવું લાગી રહ્યું છે કે TRS તેલંગાણા રાજ્યમાં બીજેપીને મજબૂત બનતી જોઈને તેની સાથે બદલો લેવાનું વલણ અપનાવી રહી હોય. છેલ્લા ઘણા સમયથી મુખ્યમંત્રી પ્રોટોકોલની અવગણના કરતાં ફરી એકવાર રાજ્યની મુલાકાત આવેલ પ્રધાનમંત્રીનું સ્વાગત કરવાના નહતા ગયા. આ પહેલા પણ મુખ્યમંત્રીએ ક્યારેક તાવ હોવાનું બહાનું આપ્યું તો ક્યારેક કહ્યું કે તેઓ હૈદરાબાદમાં હાજર નહીં રહે એવા બહાના આપ્યા હતા પણ આ વખતે એમને આવું કોઈ બહાનું નથી અપાયું અને એ માટે એમની પાર્ટીના નેતાઓ કહી રહ્યા છે કે પ્રધાનમંત્રીની રામગુંડેમની મુલાકાત દરમિયાન મુખ્યમંત્રીને બોલાવવા માટે જે શબ્દપ્રયોગ કરવામાં આવ્યો હતો તે યોગ્ય નહતા અને તેને કારણે એમને દુખ થયું છે. આ બધી વાત પરથી એવું લાગી રહ્યું છે કે ચંદ્રશેખર રાવ માટે આવતા વર્ષની ચૂંટણી માટે કરો યા મરોની સ્થિતિ લાવી રહી છે.
TRS કાં તો બીજેપી સાથે હાથ મેળવશે કાં તો સામનો કરશે
બીજેપી તેલંગાણામાં મજબૂત પકડ મેળવવાના તમામ પ્રયાસો કરી રહી છે અને એમના પ્રયાસોના પરિણામો પણ દેખાઈ રહ્યા છે. જો KCR બે દાવ પછી તે ભાજપ સાથે હાથ મિલાવે છે તો તેમના આ સ્થિતિ તેનો હોદ્દો ઓછો કરવા જએવી હશે, જણાવી દઈએ કે TRS હાલ તેલંગાણા સિવાય બીજે ક્યાંય નથી. આવી સ્થિતિમાં તેમની પાસે બે જ રસ્તા છે, કાં તો તેઓ ભાજપ સાથે હાથ મિલાવે અથવા તેનો સામનો કરે. જો કે એવું પણ માનવામાં આવી રહ્યું છે કે TRS ખૂબ જલ્દી BRS એટલે કે ભારત રાષ્ટ્ર સમિતિ બનીને રાષ્ટ્રીય રાજકારણમાં ભાજપનો સામનો કરવા માંગે છે. અને એટલા માટે જ મોદીની આ મુલાકાત TRS માટે પણ એક ચેતવણી સમાન ગણવામાં આવી રહી છે. જો કે તેલંગાણામાં ભાજપ કઈ પાર્ટી સાથે ચૂંટણી લડશે તે અંગે ભાજપે તેના કેડરને "આગળ વધો, અમે તમારી સાથે છીએ" એવો સંકેત આપવો પડશે.
