લોકસભા ચૂંટણી 2019ની તૈયારીઓ ચાલી રહી છે. પરંતુ આ વખતી ચૂંટણીમાં ભાજપે પોતાના દિગ્ગજ નેતાઓને સાઈડલાઈન કર્યા છે. ખાસ કરીને રામ મંદિરનું આંદોલન કરનાર 10 નેતાઓના નામ કાપવામાં આવ્યા છે. હવે ભાજપ રાષ્ટ્રવાદના એજન્ડા સાથે આગળ વધી રહ્યો છે. તેમને તેને ધ્યાને રાખીને હવે અમૂક મોટા નેતાઓની બાદબાકી કરી છે.
રામમંદિર આંદોલનના સહારે ભાજપે દેશમાં પોતાની સરકાર પહેલીવાર બનાવી હતી. 1984માં માત્ર બે લોકસભાની બેઠકો ભાજપને મળી હતી. બાદમાં આ આંદોલન થયું હતુ અને 1989માં આ જ ભાજપની 2થી સીધી 85 બેઠકો મળી હતી. જો કે આજ રામ મંદિરનો મામલો 2014માં ભાજપને સંપૂર્ણ બહુમતિ અપાવી ગયો છે. પરંતુ મહત્વની વાત એ છે કે, આ આંદોલનનને ઉભુ કરીને જેલમાં જનારા અને ભાજપના દિગ્ગજ નેતાઓની 2019માં બાદબાકી કરી દેવાઈ છે. આ આંદોલનમાં મહત્વની ભૂમિકા અદા કરનાર સ્વ. અટલ બિહારી વાજપેયી, મુરલી મનોહર જોશી, ઉમા ભારતી, વિનય કટિયાર, કલ્યાણસિંહ, કલરાજ મિશ્ર, સાધ્વી ઋતુમ્ભરા, સ્વામી ચિન્મયાનંદ અને રામ વિલાસ વેદાંતી હતા. આ નેતાઓમાં અટલજીનું નિધન થયું છે અને અન્ય જે નેતાઓ છે તેમને આ વખતે ટિકિટ આપવામાં આવી નથી.
ભાજપે આ વખતે પાર્ટીના સ્થાપક સભ્ય અને રામ મંદિર આંદોલનના હીરો રહેલા લાલકૃષ્ણ અડવાણીને ટિકિટ આપી નથી. અડવાણી ગાંધીનગર લોકસભાથી સતત જીતતા આવતા હતા. આ વખતે તેમની ટિકિટ કાપીને અમિત શાહને ટિકિટ આપવમાં આવી હતી. અડવાણીએ જ સોમનાથથી અયોધ્યા સુધીની યાત્રા કાઢી હતી. તેનો ભાજપને ભરપૂર લાભ થયો હતો. આ ઉપરાંત મુરલી મનોહર જોશી પણ આ આંદોલનના મહત્વનના નેતા હતા. તેમની ટિકિટ પણ કાપવામાં આવી છે. અન્ય નેતાઓમાં અમૂક નેતાઓ જાતે ખસી ગયા છે તો અમૂક નેતાઓને પાર્ટીએ સાઈડલાઈન કર્યા છે.
આ તમામ 10 નેતાઓ ભાજપને દેશભરમાં ઉભી કરવામાં મહત્વના હતા અને તેમને દેશમાં ભાજપની પહેલી સરકાર બનાવવામાં મહત્વની ભૂમિકા કરી હતી. હવે આ 10માંથી 9 નેતાઓ આ વખતે 2019 લોકસભામાં જોવા મળશે નહીં. સૂત્રોના મતે અમિત શાહ અને નરેન્દ્ર મોદીએ આ નેતાઓને વિશ્વાસમાં લીધા વગર ટિકિટો કાપી છે. જો કે હાલ આ મામલે કોઈ સત્તાવાર નિવેદન આવ્યું નથી.
