- નખત્રાણામાં ભારે વરસાદ
- પાણીના પ્રવાહમા સ્કૂટર ચાલક તણાયો
- પોલીસે સ્કૂટર ચાલકને બચાવ્યો
કચ્છના નખત્રાણામાં ધોધમાર વરસાદ વરસ્યો હતો. નખત્રાણા તાલુકામાં 5 ઇંચ વરસાદ નોંધાયો છે. ભારે વરસાદ વરસવાથી આસપાસના ગામડામાં પાણી ભરાઈ ગયા છે, જેના કારણે રહીશોને હાલાકીનો સામનો કરવો પડી રહ્યો છે. નખત્રાણાનું ધારેશી ગામ બેટમાં ફેરવાયું ગયું. આકાશી મહેર આફત બનીને વરસી છે. પણ આ આફતને અવસરમાં બદલાવા ખાખીની ટીમ કામે લાગી છે. ટ્રાફિક પોલીસ જવાન હોય કે શહેર પોલીસ તમામ રસ્તા પર ઉતરી ધોધમાર વરસાદમાં શહેર અને નગરોના નાગરિકોને કોઈ ઓછી મુશ્કેલી પડે એ માટે કાર્યરત થઈ ગયા હતા.
નખત્રાણામાં બાઇક ચાલકનો પોલીસે જીવ બચાવ્યો
વાત છે કચ્છના નખત્રાણામાં પડેલા ભારે વરસાદ બાદની સ્થિતિની. વરસાદ બાદ બસ સ્ટેશન વિસ્તારમા પાણી ભરાયા છે. ઢાળિયો રસ્તો હોવાથી પાણીનું વહેણ ખતરનાક હતું. જેમાં એક એક્ટીવા ચાલક તણાયો હતો. તે મદદ માટે ગુહાર લગાવી રહ્યો હતો. તે સમયે તેની વહારે ખાખી પહોંચી હતી, અને બહાદુરીથી જીવની બાજી લગાવી એક્ટીવા ચાલકને બચાવવા જહેમત શરૂ કરી હતી. પણ પાણીનો પ્રવાહ એટલો જોરદાર હતો કે ચાલકને બહાર કાઢવો મુશ્કેલ કામ હતું. તે સમયે ત્રણથી ચાર પોલીસ જવાનોએ સ્થાનિકો સાથે મળી દોરડા વડે બાંધી જીવ બચાવ્યો હતો. આ વીડિયો ગૃહરાજ્યમંત્રી હર્ષ સંઘવી પાસે પહોંચતા તેમણે પોલીસની કામગીરીના વખાણ કર્યા હતા.
જનતાના રક્ષણ માટે સતત ખડેપગે: ભારે વરસાદમાં અમદાવાદ પોલીસે કર્યું દીલ જીતી લે તેવું કામ, VIDEO વાયરલ
જોર લગાકે હૈ ઈસા!
ગુજરાતભરમાં આજે અનેક જગ્યાએ વરસાદી માહોલ જામ્યો છે. ત્યારે આજે અમદાવાદમાં પણ મેઘરાજાએ બઘડાટી બોલાવતા વાતાવરણમાં ઠંડક પ્રસરી હતી અને ઠેર-ઠેર પાણી પણ ભરાયા હતા. ત્યારે ટ્રાફિકથી ગીચોગીચ રહેતા C.G રોડ વિસ્તારમાં ઈમારતની દિવાલ ધરાશાયી કાર દબાઈ હતી. દેવપથ બિલ્ડિંગની દિવાલ નીચે કાર ફસાઈ જતા સ્થાનિકોની મહેનતને પગલે આ કારને બહાર કાઢવામાં સફળતા મળી હતી. આ કામગીરીની તસવીરો અને વીડિયો સોશિયલ મીડિયા પર વાયરલ થયાં છે.
આજે 202 તાલુકામાં મેઘો મંડાયો
આજે રાજ્યના 202 તાલુકાઓમાં મેઘ રાજાએ તોફાની ઈનિંગ રમી છે.વલસાડના કપરાડામાં સૌથી વધુ 8 ઇંચથી વધુ વરસાદ ખાબક્યો છે.વાંસદામાં 7 ઇંચ, સુરતના મહુવામાં સાડા 6 ઇંચથી વધુઅમદાવાદ શહેરમાં સાડા 3 ઇંચ વરસાદ, ધરમપુર, ડોલવણ,વ્યારામાં સાડા 6 ઇંચથી વધુ, વલોદ,ચીખલી,નખત્રાણા,દ્વારકામાં 6 ઇંચ, ઉમરપાડા,નિઝર અને કલ્યાણપુરમાં 5 ઇંચ, વઘાઇ અને ખેરગામમાં સાડા 4 ઇંચથી વધુ, બારડોલી,જોડીયા,વિસાવદર,ખંભાળીયામાં 4 ઇંચથી વધુ, સાગબારા,માંડવી,સુરત શહેર,નવસારીમાં 4-4 ઇંચ, બોડેલી,પરસાણા,જેતપુર પાવીમાં 4-4 ઇંચ, ગણદેવી,વાપી,ડાંગ આહવામાં સાડા 3 ઇંચ વરસાદ, શહેરા,જામજોધપુર,બાબરા,ભાણવડમાં 3-3 ઇંચ, હિંમતનગર, સંખેડા,પારડીમાં 3-3 ઇંચ વરસાદ પડ્યો છે.
